كتبت منال ربيعي
صدق من قال الحياة لذة لا بد أن تعيشها …كما تريد دون قيود… أكره هؤلاء المتحزلقين الذين لا يحمل قاموسهم غير كلمة(حراااااااااااام)الجينز حرام شعري حرام الصبغة حرام
أكلم زميلي حرام… صراحة أتعمد مضايقتهم… أراهم يرتدون قناع لايليق بهم.. من وراء القناع تختفي نفس تتوق لفعل هذا
لكن لا يمتلكون جرأتي… أنا متحررة من تلك الخزعبلات
يروق لي اللون الجديد لشعري (كحوريات البحر) دومايسبح خيالي ويسبقني لليلة رأس السنة… ستكون بين الامتحانات لكن سأحتفل… يااااااه جهزت كل شيء… بقيت لليالي معدوده
(شمس) (أنتي سرحانة في اية )قطعت حبل افكاري (رانيا.. كما هي عادتها السخيفة) (أبدا يا رنوشة.. بحاول اصبر نفسي علي التاريخ الزفت واقنع نفسي أني هطلعه من دماغي يوم راس السنة… ياااااااه هموت بجد والأيام دي تعدي… انت عارفة بكره الخنقة والدراسة اللي الجملية بتاعنتا…. تاريخ أعوذ بالله…. كله من التنسيق….
(رانيا) ايوه والله كنت عايزة إعلام عشان اكون مذيعة حلوة كدة…. مش أدرس واشرح عن امنحوتب
(شمس) لا ولا الحاكم بأمر الله…. وأخته وانا مالي بعيلته…
أه لو يتنسف التاريخ… كل خزعبلات …..يالا ناكل حاجة في الكافتريا….(اوقفتني) (عائشة) السلام عليكم ورحمة الله وبركة (أحتضنتي…أفتقدتك كثيرا. يا شمس… (أغمضت عيوني وفتحتها…. هوانت بتتكلمي ليه كدة… فكي والنبي كفاية التاريخ الاقي… حنظلة.. قدامي مش كفاية الشخصيات اللي في الكتب(تبسمت..برقة…حاضر هتكلم عادي… أيه اللون ده دي باروكا… ولا شعرك…
تبسمت لا شعري لون جديد عشان راس السنه… (كل سنة وانت طيبة.. تعالي اتغدي معانا….
(عائشة) شكرا بالهنا… انا رايحة المكتبة..
تعجبت كانت جيدة…. لا اعلم لما صارت مقعدة… لا وتتحدث الفصحي أيضا)
الأيام مرت كما توقعت…. تجهزت كأجمل ما يكون.. خرجت من غرفتي… لكن سمعت صوت (حسام) أخي كعادته يعمل في معمله…… أتحسر عليه كثيراً رغم تفوقه لم يقدره أحد وأكتفي هو بتجاربه هنا.. أتخذت خطوات.. ناحية المعمل سألقي عليه التحية وأخرج… قبل ان يحكي لي ان آخر التجارب
(حسام… أنت لسه صاحي….)
(حسام… أخذني من يدي بعنف…. يالا بسرعة بنت حلال كنت هنده عليكي… ادخلي… بسرعة المؤقت هيشتغل….
دخلنا إلي تلك الخردة ونزعت يدي…. حسام أفتح البتاعة دي
اتأخرت علي صحباتي…. طلعني…
حسام(خلاص الباب اتقفل… أخذ يضغط على الأزرار. لا ينظر لكلماتي… حسام طلعني… خلص..
(حسام) بحزم…. مفيش خروج هنسافر دلوقتي
(شمس) تكتم ضحكتها…… هنسافر بالبتاعة دي…
دي مش بتاعة دي(آله السفر عبر الزمن) هنسافر دلوقتي وبدات الألة تصدر تضيج… وانا اصرخ به ان يخرجني
(حسام) صدقيني الزمان ده مش لينا… هنسافر… لماكن وزمان أفضل
حسام بطل هزار…. أفتح… لم اتم الكلمة… حتي أخذنا ضوء لا لم استطع الرؤية (ظلت يدي تضغط على عيوني حتي شعرت اني أرتطمت بشيء.. كانها أرض… تحسست الارض كالعميان
خفت… بل اصابني الفزع.. ما حوالي كله رمال..
أغمض عيوني لم افتحها أقنعت نفسي اني احلم حتي أستغرقت في النوم فعلا.. هل هذه حرارة الشمس
كيف إذن…. فتحت عيوني…. أنا بصحراء ليس لها آخر… يترأي لي بعض النخيل… أهذا كابوس (سامحك الله ياحسام)…. صهيل خيول. أري غبرتها. . يتبع.
المزيد
الكنز : بقلم: سعاد الصادق
خالد ورحلة إلى الفضاء : بقلم: سعاد الصادق
ضوء الأمل: للكاتبة: سعاد الصادق