جبل المعجزات
د. عبير عبد المجيد الخبيري
قالوا قالوا مهما قالوا
مهما كتبوا في الروايات
انتِ انتِ زي ما انتِ
مهما عدى وكان وفات
شايلة همي وما فيش زيك
مهما قالوا في الحكايات
عارفة انك دايماً جنبي
كلمة منك بتنسيني كل الأزمات
نور الفجر في عينك انتِ
ولما أتألم بقوى بيكي
وبفتكر كل الكلمات
قومي وانسي كل وجع ليكي حسنات
خليكي واثقة بان بكرة جاي بنوره
وهيمسحلك كل الصعوبات
عدي وفوتي شمس
بكرة جايالك بالأمنيات
عارفة تعبك في النهاية
هيكون ليكي انتصارات
ولما أرجع بس خطوة
هشوفك في كل الخطوات
عارفة ليه لأنك جنة
وجنتك فيها الدعوات
لمسة ايدك ليا بركة
بتشفي وجعي وفي ساعات
عيني بتبكي لما أشوفك
بنسى بيكي كل الآهات
وضمتك لما أبكي بنسى
بيها كل الدمعات
انتِ نعمة والله والله
وجودك فيه البركات
حبك ليا كل الدنيا
موش محتاج اي حوارات
فاكرة ياما ياما رحلوا
وكنتي صابرة وافتكري الذكريات
لما أرحل اوعي تبكي
انتِ جبل المعجزات
المزيد
بقايا طفولة بقلم الكاتبة بثينة الصادق أحمد
ثورة و أمل بقلم الشاعر أحمد عثمان
قطار العمر بقلم د. عبير عبد المجيد الخبيري