الوصية
د.عبير عبد المجيد الخبيري
ما توقفوش عليا حد
قال عليا كلام كداب
لما اغمض واروح لربي
اسيب الدنيا والاحباب
ما حدش يقف على قبري
ويقول عليا من الاموات
رموني كتير بكلامهم
سابوني ليالي من العذاب
جايين دلوقتي بيتباكوا
يحسبوا مفيش جواب
الجواب سبته من بدري
يوم ما عملوليش حساب
وجرحوني بكل قوه
وكل كلمه ليها كتاب
واللي قالوا دول اخواتي
باعوا العشره وردوا الباب
كنتم فين من زمان
لما الوجع جوايا داب
خلاص خلصت من العتاب
وكل اللي جوايا تاب
يبقى خلاص خليكوا بحالكم
واعتبروني مع اللي غاب
المزيد
أتمنى العودة يوما بقلم سها مراد
حين لا تعود الشخص الذى اعتادوه بقلم الكاتب هانى الميهى
حين تبدأ فى اختيار نفسك بقلم الكاتب هانى الميهى