عصفت رياح الحزن (١) 

كتبت  منال ربيعي

قد يكون الكون متسع حولي لكنه ضيق بداخلي…. نفسي تضيق داخلي.. الحزن شكل لي ردا ليس أسود كما يرتدون في المآتم… الحزن بلا لون… صدقوني عديم اللون… رغم أني أري أزهار ورياحين.. الإ أني أشعر بنسمات الهواء تزيد من ضيق صدري كأن الهواء يدخل وبيقي حبيس صدري يرفض الخروج

صرت أتابع كل شيء لمسته يداك أبي… ألتمس الدفء..الحنو

هل هذه شجرة التوت التي كنت تجلس تحتها دوما… نفضت أوراقها في الربيع… هذا من الشجرة.. رسمت علي ملا محي ابتسامة لا تتناسب مع البكاء بداخلي.. تذكرت (مراد) حينما كان يصعد علي فروعها هروبا من العقاب…. أهو هو أخي الذي قاطعني حينما علم أمر وصية أبي…… أخي الذي ربيته منحته اﻻمومة في وقت كنت أحوج منه إليها طفلة أعطت كل كيانها 

لأخوها كنت ألعب معه وأرعها كانه قلبي خرج من بين ضلوعي 

ألاحظه أتفقده أحبه أخبئه إذا أخطأ في حضني حتى لا يناله غضب أبي…. يالله من ذا قال (لايصبح الدم ماء) قد تحول إلي ذلك…. أخي لم أره منذ سنة. لم أرى فريدة الصغيرة

(سمر) (سمر) أخرجتني (نورهان) من كهف أفكاري… ضمنتي إليها…… أصرت أن نذهب للعمل اليوم… وافقتها. ربما تبخر الهواء المعتقل في صدري… وينطلق

العمل روتينه المعتاد… العملاء طلباتهم…. لكنها ألقت علي فكرة جيدة لوصال أخي… ربما هو أبن جاحد…. لكني أمه

ذهبت إلي( نورهان) نور… أنا عندي فكرة أصالح بيها مراد

نور…. أهي قولي…. (ازداد انتباهها) 

سمر… الجنينة اللي بابا كتبها باسمي عشان ميبعدش

قيمتها حوالي مليون وشوية أنا ليا التلت… وهو الباقي 

يعني حوالي مليون… أربعة .. أنا عندي الوديعة.. وكمان الدهب بتاعي يجيب مبلغ كدة ممكن أكمل نص مليون…. ممكن اخد قرض… (أوقفتني بيدها مندهشة)  

نور أنت مجنونه… هو أخذ نصيبه من كل حاجة. والفلوس والبيت وانت قاعدة في شقة بعد ما مراته طردتك 

هو كل ده مش معبرك… تديله كل اللي معاكي وكل ده ليه الأرض موجودة ودي وصية ابوكي انت مش غلطانة بلاش مثالية والنبي…. 

(سمر) أنت مش حاسة بيا دا أنا هموت واشوفه مليش غيره في الدنيا أخويا وأبني وآخر حاجة من ريحة والدي…. أنا لو لو طلب عنيا هديه له لكن مقدرش أخالف وصية أبويا دا كان حلم عمره أرض صحرا قعد عمره كله يزرعها… وبعد كدة أبيعها للناس تدمرها وتبني عليها…. أتعرض علي بابا ألف مرة يبيعها ورفض

نور…. انت متأكدة وبعد كل دة ممكن.يعمل اي حاجة ويطردك

سمر (انا مش طالبة منه غير أرجع أقعد معاها في بيت بابا بس… بجد تعبت(انهمرت الدموع) أخذتني بين ذراعيها 

انتبهت لصوت (محمود) فقمت ومسحت دموعي

(محمود) البقية في حياتك يا سمر …بجد أفتقدناك كل ده

انت مش عارفة الشغل والمكان كان من غيرك أزاي

(سمر) (تأملت ملامحه كاني أحفظها للأمس وكالعادة لم ينتبه للغة عيوني (اللعنه علي هذا القلب يهوي الشقاء)

استاذ محمود كنت عايزة أخد قرض بس ممكن يكون مستعجل

محمود) ليه لو محتاجة أي حاجة قولي… عايزا كام أنا مستعد

واعتبريها قرض… 

(سمر) هو المبلغ كبير حوالي ربع مليون

(محمود) بس كدة أنا هدفعهم ولا تعملي أي أجراءات ولاصداع… (أخرج دفتر الشيكات) أوقفته يدي لا مش هينفع

(محمود) سمر أنا بعتبرك أعز صديقة ليا ليه بتعملي فرق

(سمر) بس….. 

(محمود) لا خلاص (وقع سريعا جدا وأعطاني الورقة) 

سمر كنت عايز اخد رايك فى حاجة بس (قاطعته نور) 

نورهان(يلا الشغل خلص اتأخرنا

(سمر) طيب بعد اذنك يا استاذ محمود………. 

يتبع