حوار : سهيلة عبداللطيف
إنسان يعرف موهبته التىٰ أعطها الله لهُ وقدرة بها، ويا حبذا علي ما وجد موهبته هي التصوير، وهذا الفوتوغرافر ليس فوتوغرافر عادي، تصويره مُختلف ومُميز، يسعى دائمًا لتحقيق ما هو أفضل، فـ هيا بنا ياعزيزي القارئ نعرف من تكون شخصية اليوم .
عرفنا ببطاقتك الشخصية؟
انا محمد المدثر من محافظة قنا وبشتغل معيد بكلية computer science
عرفنا اختيارك لمجال التصوير بالتحديد دون عن اى مجال آخر؟
هو فى الواقع التصوير بالنسبالى هواية اكتر من كونها مجال كامل الهواية اللى حسيت انى حابب اعملها نتيجة لحبى للسفر و انى حابب اوثق بعض الاماكن او اللحظات اللى مهما حبيت احكى عنها او عن جمالها هيكون صعب اوصفها بمجرد الكلام ف حبيت ان احاول اوثق اللحظات دى بصور او فيديوهات تعبر عن رؤيتى و شعورى فى اللحظة دى .
ما الصعوبات التي واجهتها عندما بدأت العمل كمصور فوتوغرافي ؟
هو زى ما وضحت هو كان هواية اكتر من عمل ف كانت حاجة بستمتع بيها فى المجمل لكن اكيد فى بعض الاوقات بيكون فى بعض الاماكن اللى صعب انك تصورها او اوقات الظروف البيئية او الاضاءة مش بتكون مساعدة انك تاخد اللقطة المثالية.
كيف تستعيد شغفك في التصوير؟
من السفر و الاماكن الجديدة الموضوع بيكون اشبه بمغامرة حابب ابينها و اوثقها فبيكون نفسى البروجيكت يطلع فى افضل حالة
من ساعدك علي الوصول؟
ف البداية كنت بحب احتفظ للصور دى لنفسى و للمقربين ان ممكن اشاركها معاهم لغاية لما ظهر بعض اصدقائى عرضوا عليا انى انزلها على انستجرام و خاصة انى مكنتش مهتم بالسوشيال ميديا عموما و بعدها لقيت ان فى ناس كتير بتشوف صورى او الفيديوهات اللى بصورها انها حاجة جميلة و بتحب تشاركها او اوقات يتواصلوا معايا يتكلموا عن اعجابهم بالصور و يسألوا اكتر عن المكان اللى كنت فيه و هل اسمتعت فيه .
هل توجد هناك أفكار معدة مسبقا قبل الشروع في أخذ اللقطة؟
الحقيقة ان فى الاغلب الموضوع بيكون وليد اللحظة لكن فى اوقات تانى بكون متخيل لقطة محددة محتاجة مكان و وقت محدد ف بحاول على قد ماقدر انى اخد اللقطة بالتفاصيل اللى محددها و اوقات بتظبط و اوقات تانى لا صراحة .
_ما هي مميزات المصور الناجح من وجهة نظرك؟
انه يكون حابب اللى بيعمله و انه يكون دائما مطلع بيشوف شغل ناس تانى و بيعمل تغذية بصرية و بيحاول ينمى من معرفته للكاميرا اللى بيستخدما او برامج الايديت اللى بيظبط بيها الصور بعد التصوير
و انه يحافظ على شخصيته و رؤيته فى الصور مايقلدش بشكل اعمى لان كل واحد ليه رؤية جمالية تختلف عن التانى
هل لديكي موقع ويب؟
In :https://www.instagram.com/mezaaax?igsh=MTh4Z2YwZnNkM3o4dw==
_أترك نصيحه لمن لديه موهبة؟
انه يتمسك برؤيته و يكون ليه نظرة مستقلة و شخصية مستقلة فى التصوير اوقات ممكن حد يتعرف انه هو اللى مصور صور محددة نتيجة انه ليه طريقة مميزة او بياخد صور من منظور محدد اعتقد ان البصمة البصرية المميزة دى بتكون شئ جميل خاص للموهبين ف اتمنى انهم يحافظوا عليها .
هل جربت انك توقف ناس في الشارع في اقناع انك تصويرهم بتواجه صعوبه في اقناع الناس ولا بتلاقي ترحيب؟
لا بفضل اصور الاماكن و المناظر الطبيعية بس فى العموم اعتقد انى بعرف ادير حوار و اقنع اللى قدامى ف لو احتجت حاجة زى كده هعرف احسس اللى حابب اصوره ان الموضوع هيكون لطيف
_رايك بالحوار معي؟
اتبسط بيه حقيقى كان مرتب و حسيت انى واخد راحتى فى الكلام
_رأيك في حوار إيفرست الأدبية !؟
مبسوط ان فى مكان اهتم بالمصورين و خاصة ان فى موهبيين كتير بيكونوا محتاجين انهم يتعرفوا اكتر
المزيد
«من الأزمات إلى الحلول.. البرنامج الانتخابي لوليد عاطف»
وليد عاطف: دعم الناشرين طريقنا لبناء مستقبل ثقافي أقوى.
رحلتها من الدار إلى الدار ثم إلى الأكثر مبيعًا