أرجعيلي

كتبت : زينب إبراهيم” شاعرة الأمل” 

 

مش بيفرق معاك زعلي

ولا جيت قولت أرجعيلي

مش عارف أكمل مشواري

وأنتِ مش معايا يا قلبي

يا حته مني وقمر ليلي

كل دقيقة بتوحشيني

مش هيفرق معاك حياتي

إني نسيت في يوم عادي

هقولك خلاص طرقنا انتهى

كنت فاكرة إني نجمة سمائك

زي ما أنت حبيبي وقلبك

أنا كنت سكناه لآخر عمرك

كله كدب مش حقيقة كلامك

أنتِ أجمل ما في حياتي

كلمة دائمًا تقولهالي وبعدك

عرفت معني حقيقتك

اللى كان في ألاعيبك

وأنا صدقته وحبيتك

رجعت دلوقتي وندمت

لما بكل قلبي أنا حبيت

ومعاك مر السنين شفت

كلامك مزين زي حاجة حلوة

اتقلبت في ثانية لحاجة مره

وأنا أكلت منها ونسيت في لحظة

أنك مش بتعرف معني المحبة

وبيجري في دمك كل القسوة

بتشوف القوة في جرحي

والحب في ظلمي وقهرتي

بس وحياة كل حب في قلبي

هوجعك بكل محبة كانت فيا

وانسى أنك كنت أغلى من عنيا

الحب مش كل لحظة تتقال

الجرح ماكانش حب مستحيل

أنت مش اللى حبيته زمان

واللى كان بيملي حبه المكان

وشايف ضحكتي هي الأمان

جاي دلوقتي تبكيني كمان

وتقول أرجعيلي يا حبيبتي

عمر الزمان ما بيرجع

عشان أرجع أنا مع الوجع

اللى مالي قلبي تجاهك

لما أشوف نظرة عيونك

وضحكة كل نبضه في قلبك

هانسى بسهولة دمعة عيوني

ولا جروح قلبي وكل روحي

لا أنسى إني أرجعلك في يوم

ولا عاوزه أشوفك في النوم

ولا تيجي في مرة الأحلام

خلص بينا كل حاجة والكلام

مش سهل أنسي سهري

ولا أي لحظة من قلقي

ودموعي لما تتأخر علي

وأقول فينك يا حبيبي

وأنت رميت كل ده ومشيت

وأنا عليك كتير ناديت

ولا سمعت ولا حتى إستنيت

كأنك بتقولي ولا هرجع تاني

حتى إذا بكيت دموع نهاري

وليلي مش كفاية عليا

مش هارجع تاني ولا بينا

مسافات قليلة ولا كبيرة

كفاية عليا كسرتك بالدنيا

شفت في عيونك إختيارنا

لبعض من الأول كان مش صح

ونسيت معاك قلبي والروح

اللى فيا كانت معاك بتروح

وأقول أرجع عشان أرتاح

بس دلوقتي خلاص نسيت

أي كلمة كانت بينا والمسافات

إذا صغيرة بإيدي هكبرها

وأبعد عشانك بلاد وليا

أرتاح في بعدك وعنيا

تبكي أحسن من صدمتي فيك

سبت كل حاجة عشانك

حتى قلبي سبته بس مش ليك

لربنا عشان يداويه من جرحك

وكل لحظة ضعف في بعادك

هتكون قوتي بعد هجرك

ده كان دوا ليا مش مرضي

وبكره هتقولي أرجعيلي

أكون نسيت وأقولك مين

اللى كنت فاكرة بحبه زمان

لا قول للزمن أرجع يا زمن

وساعتها هيكون مستحيل كمان

عن المؤلف