كتبت : زينب إبراهيم” شاعرة الأمل”
هاتلي معاك منديل وأنت جاي
تقولي معلش على زعلي عادي
هاتلي معاك ضحكة مكان دموعي
تقولي معلش على جروحي
حط نفسك مرة واحدة مكاني
هات قلبك ودوس عليه زيي
استحمل اللى فات زي حياتي
وتنغص عليك كل ذكرى
بتفوت كأنها ثانية عادي
بتسبب جروح لسنين تاني
وأنا وسط كل ده بحارب لوحدي
ماتقولش على موقف سهل لي
أنت مريت بنفس الموقف زيي
لا عشان اللى يسمع الموقف
غير اللى يعيش الظروف
خليك مراعي للي قدامك
عشان لما تبقي مكانه وروحك
تفتكر الموقف اللى سمعت عنه
وقتها تحس قد إيه صعبة
تبقي في الحدث مش تسمع
كل جروح فيا بسب ذكرى الوجع
وعيوني ليل ونهار تنزل الدموع
وهي مكبوته مش ظاهرة الدموع
وفي كل وقت وكل الأوضاع
أنا سجينة أحزاني وكل أوجاعي
كلمة معلش مش هتحل حاجة
لا هتخلي السكر يغير طعم المره
في كل لحظة بقول أول مرة
أكون زي الحبيسة لأوضتي كده
اذا أتكلمت وحكيت أي كلمة
بسمع في كل ثانية ودقيقة
معلش يا حبيبتي كل مرة
كأنها الدوا لكل ندوبي
كأنها النوم براحة لكل قلقي
كأنها الدوا لنزيف قلبي وروحي
يعني إيه معلش يا حبايبي
يعني قومي أنتِ اقوى
ومش ضعيفة ولا سهلة كنتي
قومي وامسحي دموعك غاليتي
إذا اتقالت كده هتريح كتير عادي
قولوا كده مرة واحده مش معلشي
لا بتطيب خاطر ولا تمسح دمعتي
المزيد
يـا مـن سـكـنـتَ الـقـلـبَ عـشـقًا نـافـذًا بقلم أحمد علي سمعول
لا تنهي حياتك بيدك بقلم عبير عبد المجيد الخبيري
«عندما يصبح الوصال ذكرى بقلم أمل اسماعيل احمد احمد