الصحفية نور ناز
في عالم الأدب، تتلاقى الافكار ويولد الإبداع.
في هذا الحوار مع كاتبنا محمد رشدي نستكشف جمال الكتابة في حوار لمجلة إيفرست .
* بداية ممكن تعرفنا بنفسك ؟
اهلاً بحضراتكم ..انا محمد رشدي ٢١..ليا ٣ اعمال في معرض القاهره الدولي “فانوس دنجوان ، اجازة تحول ، حلمي حلمك”
– كيف اكتشفت موهبتك؟ وكيف قمت بتطويرها؟
ازاي اكتشفتها دي ماكانتش مرحله عمريه معينه لاني مهتم بمجال الفن بشكل عام من سن صغير سواء تمثيل او كتابه ف ده كان هدف مش مرحله في وقت ما وتم اكتشافها
طورتها بالورش والتعليم .. اتعلمت كتابة سيناريو في اكتر من ٤ ورش ل مؤلفين معروفين ومع كل كتاب كان بيتم اصداره ليا كنت بتعلم اكتر من اراء الناس
– كيف تتاكد أن عملك دقيقا؟
دقيقاً ده شيء نسبي شويه لان في الاخر كل قاريء ليه ذوق ومعتقدات ف ممكن يبقي دقيق لحد وحد لا لو انا فاهم معني دقيقاً صح
بس اللي بيأكدلي في الاخر هو اراء الناس اللي حابه تقرأ لمحمد رشدي
– برأيك كيف يتعامل الكاتب مع النقد؟
لازم يهتم بيه ويسعي انه يسمعه .. انا شخصياً مع كل كتاب كنت بطور حاجه جديده بسبب النقد
– من هو الكاتب الذي أثر في نفسك؟
انا من محبين استاذ تامر حبيب جداً لانه بيهتم بالأبعاد النفسيه الجداً في بناءه للشخصيات..ديماً هتلاقي تفاصيل في الشخصيات اللي بيكتبها تامر حبيب مميزه جداً
* ماهي إنجازاتك ؟
إنجازاتي هي أعمالي التلاته فخور بيهم جداً وبحس اني عملت حاجه مختلفه
– هل واجهت صعوبات؟
اكيد..واجهت صعوبه في اني اقنع الناس بنوت جديد من الكتابه في المعرض
معتقدش ان فيه حد بينزل المعرض بسيناريو فيلم ويقول للناس اقرأوه ف دي كانت مرحله صعبه الي ان الحمدلله الناس تقبلت النوع ده وحبته
– ماهي طموحاتك في المستقبل؟
أنو بإذن الله اكون قدرت اقدم حاجه مميزه وجديده ويكون فيه تمييز من الجمهور بين شغلي وبين اي شغل تاني ان لما يقرأ الكتاب يقول ده شغل محمد رشدي
– قم بتوجيه رسالة للمواهب المبتدئة؟؟
صعب لاني لسه برده مبتديء مابقاليش كتير في المجال ف انا لسه بتعلم زيي زي اي حد لكن طبعاً ربنا يوفقنا جميعاً ونقدر نقدم السنه دي والسنين الجايه اعمال تليق بالناس
– في الختام نريد أن نعرف رأيك بالحوار، وأيضا رأيك بمجلتنا ، *مجلة إيفرست* ؟
اتشرف بيكم طبعاً واتشرفت ب استاذه نور جداً هي شخصيه لطيفه وفي منتهي الذوق و الود
المزيد
رحلتها من الدار إلى الدار ثم إلى الأكثر مبيعًا
يسعدنا أن نتقدم بخالص الشكر والتقدير لإدارة دار نبض القمة ومجلة إيفرست الأدبية على هذا التكريم الراقي
حوار خاص مع الكاتبة والمترجمة داليا فرج الطواب