(وتين الحضن والسكن)
.. شعر بقلم (خالد عبد العظيم عويس)
ومليش غير حضنك سكن
ياللي هواكي براح
ده انا ياما شفت جراح
من قبل ما اقابلك
وسمعت كتير كلام
وكتبت في الغرام
قصص كتير وافلام
عن اللي حب وتاه
وعن اللي نال مناه
وعن اللي بات سهران
يناجي القمر ونجومه
ويبكي على ليلاه
لحد ماكتير قالوا
مجنون وعقله تاه
حابس نفسه ونفسه
يلاقي اللي هواه
لحد ما لقيتك
صدفة ومن غير معاد
لقيت معاكي الدوا
ونسيت كل الجراح
ولقيت في حضنك سكن
لقلبي اللي كان سواح
من يومها وأنا عايش
وكأني ماكنت عايش
بين السحاب طاير
في رموش عنيكي حاير
والله وغريبة الدنيا
سنين نعيش أوهام
وجرح وألم وأحزان
وفجأة ومن غير كلام
بتيجي الفرحة في ثانية
بعد هموم السنين
تيجي الفرحة في وتين
وكأنها نسمة صيف
تبرّد قلبي الحزين
وكأنها بسمة اترسمت
وكأنها ضحكة اتقسمت
بين قلبها وقلبي
وفجأة ومن غير ميعاد
نسيت كل اللي فات
وعادت الضحكة تاني
لقلبي اللي كان خالي
ولقيت في قلبك وطن
ولقيت في حضنك سكن
وعرفت معنى الحنين
في عيون حبيبتي وتين
المزيد
مرفوعة الرأس بقلم د. عبير عبد المجيد الخبيري
ظننتني أكسر بقلم ملك برهان
رثاء العلّامة المحدِّث أ.د / أحمد عمر هاشم بقلم: امل اسماعيل احمد احمد