الهوى

كتبت : زينب إبراهيم ” شاعرة الأمل” 

الهوى 

آه منك يا هوى 

ده أنت عالي المستوى 

بصيت لنفسي في المرايا

ملامحي أتغيرت كليا 

لا لقيت نفسي ولا قلبي 

الحب دمر حياتي

هي دي أنا يا ناس 

راح فين كل الإحساس 

وقعت في حفرة الجوى 

واتبدل معايا كل حالى

بقيت دائما بسهر الليالي 

والحنين والشوق باقي 

في قلبي مع كل ذكري 

كان مالي ومال الحب 

رجعت من تاني يدق القلب 

ويدور على حبيبه من تاني 

مابقاش أي حاجة عادي 

ولا يعدي لحظة من غير عيونه 

أو أسمع أسمي من دقات قلبه 

وأشوف نفسي في ثنايا روحه 

وأشغل أنا بقا كل تفكيره وحياته 

كل دقيقة بتمر بعيد عنه صعبة 

كأنها سنة مش دقيقة ولا يوم 

ولا عيوني بتشوف النوم 

ولا بهتم لأي ذرة لوم 

هتلومني على حبي ليه 

ولا شعوري قبل ما يجي بيه 

هو بقا في حياتي فارق 

عشان معاه مفيش فراق 

وكل لحظة بتمر فيه إشتياق 

هو ليا الحبيب والصديق 

ومعايا في كل زعلي والضيق 

الهوى ليه أوجاع كتير 

وهو ليه في قلبي عشق كبير 

مش بعرف طريق معاه للدموع 

هو سندي ودوا كل الأوجاع 

حقيقة تتقال في كل وقت 

هو نعمة من ربنا ليا نسيت 

معاه كل أحزاني وهمومي 

مش فارقه حاجه معايا حبيبي 

مالي عليا كل شبر من حياتي 

وكان هو أحلى نصيب من ربي 

ورجعت تاني من كل ذكرياتي

وافتكرت الحاجة الحلوه فأيامي 

وياريت من تاني أرجع حنيني 

ضحكت المرايا وقالتلي بتحلمي 

وماتعرفش أن الحلم هيبقي حقيقي 

في يوم من الأيام وترجع تاني ضحكتي