الحب الحقيقي.

كتبت: زينب إبراهيم.

هو : أنا بحبك 

هي : يعني أيه 

هو :يعني بخاف عليكي من أي شيء يأذيكي ، يعني بغير عليكي من أي حد يبصلك بصه أبقي عاوز أولع فيه وأمحيه من على وش الدنيا ، يعني عاوز أحافظ عليكي لما أقولك ماتلبسيش ديق البسي طرحه، ماتتكلميش في الشارع أو وسط أصحابك بصوت عالى أنتي ملكي مش عاوز حد يشاركك معايا ، يعني مش عاوزك ترجعي بليل متأخر من شغلك جامعتك أي مشوار تطمنيني عليكي لما ترجعي ، يعني أي حاجه بخصوصك ابقي عارف بيها مشكله حصلت معاكي أبقي أول واحد يعرفها عشان يساعدك أبقي أمانك وحمايتك من نفسي ومن غيري ، يعني انتي أول الأولويات عندى أهم من أي حاجه واهم من أي حد ، يعني تقوليلي خايفه أقولك ماتخفيش أطمنك أبسطلك الأمور الصعبة معاكي ، يعني مخنوقه وزعلانه لفرحك بأي طريقه وبأي حاجه أشغل تفكيرك بحاجه حصلت أضحكك تنسيكي أنتي زعلانه ليه ، يعني مراتي لما أزعلك أصلحك أجيب شوكولاتة وورد وأرسم الإبتسامة على وشك أشوفك مهمومه أشاركك همومك أشيل من عليكي حمل الهموم وأخلى عنوان كتابك السعادة وعنوان قلبك إبتسامتك مشرقه على وشك دائما ، يعني مهما كنت مشغول ما أتشغلش عنك أبعتلك رساله ” وحشتني انتي كويسه روحتي ولا لسه” كل يوم أنام وأنا مكلمك ومطمن عليكي ، عارف إيه اللى يبسطك وأعمله دائما، يعني أنني بنتي قبل ما تكوني مراتي وحبيبتي وكل حياتي، يعني حياة بدونك مستحيلة مجرد الفكرة مستحيلة ، يعني هابعد عنك إذا فيه واحد في المليون إني اذيكي أو اضرك ، يعني زعلان وممكن أدايقك هابعد لحد ما أروق وبعد كده أفهمك إني كنت مدايق ، يعني مش هضيع ثقتك فيا مهما كان . الحب خوف ، محافظة عليكي، امتلاك، غيرة، ثقة، قلب واحد وروح واحدة

هي : وأنا كمان بحبك أوي.