ناصر شمس الحرية
د. عبير عبد المجيد الخبيري
شمس الحرية طلعت وسطرت التاريخ بالنور
وشعبك اهو نزل وجنبه جنود اسود
حطموا كل الحواجز وهدموا كل سور
وراجعتي يا مصر لولادك ونادى
عبد الناصر بدر البدور
بإرادة صلبة خلى الظلم محصور
الله عليك يا ناصر دايما في التاريخ مذكور
يا ابن الصعيد كنت دايما من الاله منصور
وادي جمال قلبه قلب الصقور
نادى بأعلى صوت والنيل بيه فخور
وحد جنودك وصوته بيسمعوا الجمهور
الله اكبر في ميدان عابدين الحضور
23 يوليو ده مش مجرد يوم
ده بدايه الطريق فيه الشعب مسرور
بنينا فيه حلمنا وبنى الزعيم الدستور
وصوت الشوارع في الميادين زلزله كل مكسور
ما حدش يقدر يهزمك واللي يجرب يبات مذعور
ده سر قوة ولادك في صبرك المستور
رفعنا رأسنا وعشنا بكرامه في كل العصور
يسالوا تاريخهم يا بلدي كسرتي كام مغرور
واسمك في قلوبنا يا بلدي مكانه محفور
كتبنا مجدنا وزيننا السطور
وزرع لك الفلاح في ارضك الزهور
ودارت المصانع والعامل بقى ليه ظهور
يا ارض الكرامه شعبك بيك جسور
الدنيا تشهد يا مصر عمر شعبك مكان مقهور
وخيرك في كل ركن تلاقيه منثور
المزيد
فنجان الأنثى بقلم د. عبير عبد المجيد الخبيري
فاكرة لما كان الليل يليّل … شعر بقلم خالد عبد العظيم عويس
الطموح بقلم أماني منتصر