كتبت : أفنان علي ” شاعرة التميز ”
الأم معنى في الحنان
دي اللي ليا في دنيتي
وقف القلم عن الكتابة
سألته ليه يا قلم مبتكتبش عن أمي
قالي أكتب إيه يا بنتي الأم عنها ما يتكتبش
قلت ليه طيب يا قلمي
قال لو فضلتي تكتبي عن فضل أمك ليل نهار
مش هتوفي أو توصفي سهر لليلة من الليالي تحت رجلك في المرار
نزلت دموعي من الكلام
سالت دموعي ليه نزلتي
قالتلي فضل الأم كبير ميتوصفش ميتحكيش
وقلت أنزل لو شويه أسمع منه ولو قليل
رد الكتاب وقالي
عايزه القلم يكتب عن أمك
الأم دي ملهاش مثيل
سكت وفضلت ساكته من الحيرة مبقتش فاهمة
هما دول بيقولوا إيه
وفلحظه جه على بالي مره من الليالي
لما أنا كنت بذاكر وهي جمبي مبتسبنيش
و لما أنا كنت تعبانه
صحيت في نص الليل لقيتها بتبكي تحت رجلي
وبتقول يارب اشفيهالي
لو حتى أتعب مكانها
دلوقتي أنا فهمت هي تبقى إيه الأم
الأم روضة من الجنة هداها لينا رب العباد
دي اللي وصى عليها النبي أمك ثم أمك ثم أمك للممات
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري