حقك عليا يا قلبي، شعر لخالد عبد العظيم عويس
خلص الكلام يا ساااااااااااادة
واتبدلت الأحوال
والكدب بقى عادة
والصدق ده شىء مُحال
عايش والله ببكى
ودموعى مونساااانى
لدموع عنيا بحكى
عن قلبى اللى كان غالى
عن همى وأحزانى
حبى اللى فرررحنى
هووو اللى بكانى
حلمى اللى أنا عيشته
من نومى صحانى
حقك عليا يا قلبى
والله مكنش قصدى
والله مكنش قصدى
حبيت لأجل انت تفرح
وتتهنى ويايا
ومسكتك بين ايديا
وعملت منك هدية
وبأيدى وبحسن نية
سلمتك للى خانوا
قدمتك للى كانوا
روحى ونور عنيا
حبيتهم ومن طيبتى
كنت مغمض عنيا
وفتحت عنيا فجأة
ولقيتك انت الضحية
حقك عليا يا قلبى
والله مكنش قصدى
والله مكنش قصدى
عايش حزين جوايا
ولا راضى تغفرلي
طيب قولى أيه ذنبى؟
زعلان بجد منى؟
ولا زعلان عليا؟
شوقى كان أقوى منى
حنينى كان غالبنى
حبى كان كل عمرى
هتصدقنى اما اقولك
دى كانت حتة منى؟
برضوا غضبان عليا؟
طيب اسأل دموع عنيا
عن حزنى تحكيلك
يمكن تحن عليا
وتعودلى من تاني
وساعتها اشهد عليا
وانتى يا دموع عنيا
لو مرة يوم حبيت
لو جيت فى يوم حنيت
وحاولت يا قلبى تانى
أعمل منك هدية
ابقوا سيبونى لحبى
قصدى … سيبونى لهمى
وانا اوعدكم وربى
ما افرررط فيك يا قلبى
ولا يوم هتهون عليا
ولا هعمل منك هدية
وانتى يا دموع عنيا
يا أغلى من عنيا
من الليلة الدمعة منك
أغلى من أغلى حب
أغلى من أى قلب
سامحينى يا دموع الحب
ماعاادش خلاص فيه حب
وانت يااا أغلى قلب
معلش حقك عليا
والله مكنش قصدى
والله مكنش قصدى
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري