شعر: أمنية وليد
العزلة صعبة صحيح هلاك
أفضل كتير من لمّه كدب
العزلة راحة ف شكل نار
صاحبي اللي أجرى عليه بحُب
ولا مرة ملّ ولما أميل
مين غيرها بس قوام يشيل
قطَم الزمن ضهري اللي شال
سابلي هموم تقل الجبال
وإزاي أشيل وأنا ضهري مال
همسح بإيدي دمع سال
وأقعد لوحدي في عزلتي
مليش ونيس غير غرفتي
وهكتب عليها كلمتين
ممنوع دخول الزائرين
وده مش كلام هري وهزار
بالناقص من البني أدمين
عَزلت روحي بين روتين
ما بين قهوة وبين الست
وبين مزيكا لحن حزين
صايم عن زادي ومَنامي
رسَمت حياة بأوهامي
وخاليه من بشر جارحين
يامين يوهبلى فرْح عشان
ملّيت أنا حزن لسنين
إنسان بسيط مش مبسوط
عايش تمام لكنه بيموت
العزله رابط وانا المربوط
وهمي تقيل، وأرجع وأقول
محتاج أنول كتف يشيل
لما أميل وألاقي فين
وسط ازدحام من كدابين
وحدي حزين
والحزن مكتوب ع الجبين
والقلب مات
وأخد عزاه أنا من سنين
الاكتئاب صاحبي الوحيد
وغيره بس هلاقي فين
كرهت إنى أواسي غيرى
وأفضل أنا لوحدي حزين
المزيد
رثاء العلّامة المحدِّث أ.د / أحمد عمر هاشم بقلم: امل اسماعيل احمد احمد
يـا مـن سـكـنـتَ الـقـلـبَ عـشـقًا نـافـذًا بقلم أحمد علي سمعول
لا تنهي حياتك بيدك بقلم عبير عبد المجيد الخبيري