هات لي قلب
د. عبير عبد المجيد الخبيري
هات لي قلب ما انجرحش
ولامرة ما نخدعش
جايب زفة في وسط الزحمة
ولابسه طرحة ووشوش سمحة
وروح طايرة من الفرحة
وعيون بتلمع ما بتحزنش
وهات لي فكر ما بيسرحش
وهات لي ضحكة في ليلة هادية
ما فيهاش هم ولا ضايقة
فين الدنيا الصافية الرايقة
وفين الناس اللي ما تزعلش؟
وعمرها مهما كان ما تخونش
وايام العشرة ما بتهونش
وهات لي صحبة ما بتغدرش
وقت الشدة ما بتبيعش
قلوب صافية ما بتتغيرش
تحفظ دائماً العيش والملح
ما تتركش في القلب جرح
وهات لي بكره ما يخوفش
وناس أصيلة ما تبخلش
وعالم تاني ما يدوش
هي بسكة واحنا بسكة
قلوب كتير بمليون وش
هات لي الدنيا ما بتوجعش
ونهاية حلوه ما بتدمعش
هات لي لمة ما بتتفارقش
ولسان حلو ما بيجرحش
هات لي ليل ما يبكيش
جوه ضحكه دايماتعيش
انسى الناس وقلوبها التايهه
اللي تعبهم ما يريحش
المزيد
يَا لَيْلُ، كَيْفَ الصُّبْحُ مِنْكَ تَقَدَّسَا؟…..وَبِهِ اسْتَفَاقَ الكَوْنُ لَمَّا تَنَفَّسَا بقلم احمد سمعول
قصيدة أتوق لك بقلم الشاعر أبو بكر علي ال عبيلة
وجع يتقن التخفي خلف العافية بقلم: سمية عمر عكاشة