كتب:منتصر محمد
يشهد عليا الليل وكل النجوم والقمر
والشعر والمواويل في عيونها عشقت السفر
ضحكتها شيئ دا جميل حبيت عشانها السهر
في صوتها شفت الراحه _حسيت طعم الحياه
وقبلها كنت غريق _ولقيتها طوق ونجاه
قادرة تشيل وجعي_في عذ مهي موجوعه
برائة الاطفال جواها مزروعه
اسمها كان سماح. والاسم وحدو بيكفي
بدونها مش برتاح. ووجودها جمبي بيشفي
بيشفي الم وجراح. وبيمحي وجعي وحزني
يا قلبي لو انت عليل. فسماح هيا دواك
من غيرها نهارك ليل. وعمرك كلو هلاك
قالو يا واد دي بشر. للدرجة دي شغلاك
انا قلت والله قمر. انسان بروح ملاك
بيستعجلنا الفراق فجأة. خلق الانسان من عجل
وكانت ما بينا وعود نكمل مهما حصل
اتاري الوعود كدابه. ولكل حب اجل
يالي انتا ناوي تحب. ارجع يا ولدي بلاش
واعمل حساب لفراق. ركز وما تنساش
واسأل مجرب قبلك. ياما ضحي فيه وعاش
وخسر حياتو. وعمره كأنو راح ولا جاش
الظروف كانت اقوي. من اننا نعيش ونكمل
ومين يضحي زياده. معا ناس مش بتستحمل
الحب معاهم لعبة . واللعبة مش بتطول
الحب دا اسرار. والغني فيه بيعيش ويكمل المشوار
اما الفقير منبوذ هيعيش معاه في حصار
والي اتولد مرتاح وايدو جوه الميه
مش زي الي اتولد شقيان وايدو جوي النار
رحت لطبيب اشكيلو واوصفلو انا حالي
قلي مريض بيها. ودواك يا واد غالي
بتحب ليه القمر لم القمر ….عالي
لو مش معاك تداوي جرحك. فسكنو بنسيان
خرجت انا وماشي. تايه كما السكران
علي عمر ضاع فجأة. وسنين كتير اوهام
وقلت اعيش وانساها. يعدي يوم انسي وتاني
الاقيها في خيالي. وتجيلي في الاحلام
عدت شهور وسنين. وحاولت انساها
اتاري نسيت نفسي. ولا عارف انساها
نسيت انا النسيان. ولا قادر انساها
مشيت وجرحت قلبي. وسابت نزيف علامات
اخدت روحي معاها. وسنين كتير حكيات
ما سبتش غير الوجع. وحبة ….ذكريات
وبعد فراقها خلاص. دفنت قلبي ومات
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري