كتبت: زينب إبراهيم” شاعرة الأمل”
فيك حاجة مش عادية
إحساس كبير بالمسؤولية
تكون أبويا وأخويا وحبيبي
من الدنيا دي أنت نصيبي
حبك مالهوش مثيل
ياللى أنت قصة في الخيال
حبك بيجري في دمي
بقيت بدمن صوتك في روحي
في عز وجعي أنت دوائي
في عز خوفي أنت أماني
ضحكة مرسومة في وشي
أجمل فصول رواياتي
لما ببكي بتمسح دموعي
وبنظرتك أنا بنسى زعلي
كفاية أنت من الدنيا دي
شريك عمري وأيامي
حبيب سنيني وقلبي
بفرح لما أشوفك سعيد
بزعل لما تكون بعيد
بس أنت مني قريب
وفي القلب أنت حبيب
ليك في قلبي عشق كبير
اللى بينا حاجات كتير
جمعت قلوبنا من تاني
ولا يوم ليك أنا ناسية
وفي يومي ليك أنا فاكرة
ذكريات جمعتنا سوا حلوة
بتنسي أي حاجة مره
حصلت في يومي أو حتى كلمة
بتتقال لي في ساعة
زعل بنسي بيها كل حاجه صعبة
كلمة بحبك سهل تتقال في ثانية
بس في قلبي ليها معاني كتيرة
بيدق قلبي لما يشوفك مرة
كأنها كانت ألف مش واحدة
بيدق من فرحته بشوفتك تاني
كأنه شاف العيد مش عادي
ده أحلى عيد بوجودك جنبي
وبقولك ياللى سكنت قلبي
بحبك ياللى أنت كل نبضي .
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري