شعر: سارةخالد محيي
ماليش ف البعد غير صورة
وكام ذكرى ف قلبي محفوره
وكلام مطلعش من عقلي
ماليش ف البعد غير قلبي
ورسايل من شهور فاتت
حاجات مهما تبان ماتت
ما زالت عايشه جوايا
يا دائي وتعبي ودوايا
ازاي مبقتش ويايا
ياريت متزدش ف عنادك
عشان ميزدش جرحي معاه
حياتي حبيبي ف بعادك
حرام يتقال عليها حياه
دا انا مش عايشه من غيرك
وقلبي بيدعي ترجعله ف كل صلاه
وايه تسوى سنيني بلاك
دا انا قلبي ماشفش إلاك
ومحبش ولا هيحب
يا نبض القلب
يا شمسه وعتمته ونوره
يا أول كلمة ف سطوره
وباقي الكلام كله
يا كتف بتحمي ف ضله
وقبل ما أميل بيسندي
يا أقرب ليا من نفسي
بقيت ازاي بتبعدني
المزيد
يا مصرُ يا نبضَ الحضارةِ والعُلا بقلم أماني منتصر السيد
هجرة النور بقلم د. عبير عبد المجيد الخبيري
حين يصبح الصبر قوة بقلم ابن الصعيد الهواري