قلب الحب

كتبت: زينب إبراهيم ” شاعرة الأمل”

 

الصعيدي لما يحب بجد

ما يبعدش عنك واصل 

ولا يشوف في جمالك حد 

يمشي معاكِ الطريق ويكمل 

يبعد بيكِ عن العالم كله 

ويخليكِ تشوفي الدنيا جنة 

حنون في نفس الوقت جدع 

يضحك قلبك ويمحى الوجع 

عن روحك قبل عيونك 

ويقولك عيون الحلو ما تبكيش 

وموته يبقى في دموع عينك 

وفي الأصول مايعرفش حد وحمش

يقولك كلام حلو وكمان قصائد 

وفي وقت الضيق يقف مع أي حد 

مايهموش إن كان قريب ولا غريب 

ويفهمك ومنك هتلاقيه دائمًا قريب 

عارف كل تفاصيلك اللى تفرحك 

ويعمل المستحيل عشان بسمتك 

في وقت الخوف يكون أمانك 

وفي وقت الحزن يكون ضحكتك 

ويمشي بلاد وبلاد عشان سعادتك 

يضمك في عز وجعك وكمان وغضبك 

رجولة وشهامة في وقت الجد 

عارف يخلي الزعل عنك بعيد 

وفي الوقت الهزار يبكيكِ من الضحك 

وهو موجود في كل زاوية من قلبك 

عشان عرف يدوقك طعم السعادة 

في الأمان اللى معاه وحلو الحياة 

يعني مش عشان صعيدي يبقى قفل 

لا ده هو يحب بجد وكمان ابن اصول 

اللى مصاحب صعيدي يقولك هو مين 

بيتعرف من أول ما يدخل أي مكان 

بهيبته وحضوره اللى معروف للكل 

وفي عيونك هتشوفي فيه الجمال.