كتبت : زينب إبراهيم” شاعرة الأمل”
بقوم من النوم مش عارف مالي
وكل حاجه حواليا متغيرة مش
زي ما هي ولا عارف إيه حصلي
كل حاجه بقيت مش هي حتي الوشوش
في الطريق بمشي وأنا ساكت
مع إني دي مش عادتي بضحك
واتكلم مع اللى رايح واللى جاي أنت
أنت مش أنت يا معلم بقولك
أحكيلي على اللى معاك حصل
عاوز دكتور نروح عاوز حد يسمعلك
أنا هنا معاك لآخر عمري أصل
أنا مش بنسي وقفتك جنبي
لما كنت مدايق سمعتي وقت
الجد أنت جدع وقت الزعل صحبي
مش هسيبك غير لما نشرب شربت الشاي
اللى من غير سكر زي ما بتحب
مش عارف بتحب فيه إيه بس ماشي
عشان أنت معايا بيبقي مسكر
عارف يا صاحبي إذا حبيت تقعد
لوحدك هسيبك بس هابقي معاك يا نور
طريقي وأنا ماشي عشان أنت روحي نقعد
وأنا وأنت روح واحدة زي ما قولت
يبقي عاوزني أسيب روحي شفت
قبل كده حد بيسيب روحه يا مان
لا أبدا ده حتي يا باشا قالوا زمان
اللى يسيب روحه مش يبقي راجل
ولا للصحاب صان العهد شوفت
أنا بقيت زي ما بيقولوا صاحبك
وفي وقت الزعل أنا اخوك يا أصل
الصحاب و أجدعهم في وقت
الشدة أنت معانا رجولة زميلك
في الشغل ساب الناس شوفت
وراحلك أنت وقالك أنت صاحبي وزميلي
مش بقول كده عشان حاجه يا صاحبي
لا بس بفكرك لما كنا نفقد الشغف
يتولد جوانا مليون واحد مش شغف
فقوم يلا أعملنا كوبايه شاي وشوف
الماتش أكيد شغال وهاتلنا خشاف
من بتاع زمان أيام رمضان فاكر
يعني أنت تقدر تنسي لمة العيلة
ولا هزار وقت الضحك مع الجوكر
لما أنت كنت تحكي أقواله وتقلده
فك كده يا صاحبي مش وقت الخنقة
أصل أنت مش لايقه عليك الكشرة.
المزيد
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق