كتبت: زينب إبراهيم ” شاعرة الأمل”
ماشي وأنا مهموم
ساكت ومش بتكلم
فوق قلبي هم كبير
وبفكر بالليل كتير
نفسي في مرة أرتاح
مرة واحدة الهم يروح
مابقيتش عارف أعيش
واليوم طويل ما بيمرش
الساعة كأنها يوم بالنسبة لي
واليوم زي السنة ومش عادي
آه من قلبي اللى وجعني
وبقا زي الميت روحي
عاوز طريق أمشي فيه
أشوف الراحة والسعادة مره
كنت سهران بالليل مش بنام
التفكير صعب أوي مع اللوم
لقيت عيوني بتبكي واشكي
بعيوني كتير مش بلساني
يارب أنا حاسس بالتعب
زي اللى غرقان في الجب
فردت سجادتي وأنا خايف
عشان مقصر في حقه عارف
مش قادر أجي ليه وأنا عاصي
ولطريقه دائما كنت ناسي
دلوقتي رجعت ليك وأنا مرهق
وللسعادة ولرضاك يارب مشتاق
خدني ضمن عبادك الصالحين
واحعلني يارب من المغفورين
اجبر بكسري ويا قلبي المكسور
متأكد إني هابقى معاك مجبور
فتحت مصحفي بعد صلاتي
وأنا بقرأ آياته بدأت أبكي
على نفسي اللى كانت ضائعه
وروحي اللى عاشت ميته
مفيش نبض في قلبي
ولا كلام حتى في بالي
يوصف تعبي ولا حالتي
رجعت من تاني حياة لحياتي
وقلبي اللى مات أيام زمان
رجعت الفرحة تملى المكان
عرفت معني السعادة بجد
اللى مش هتلاقيها مع أي حد
غير مع ربنا اللى فاتح بابه
ليك في كل وقت روحله
هتلاقي نفسك وسعادتك معاه
هو الرحيم بيك وفي طريقه
أنت بجد رجعت من تاني سعيد
والهم عنك هيكون على طول بعيد.
المزيد
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق