كتبت : زينب إبراهيم” شاعرة الأمل”
الورد فتح في البستان
أنت نسيت الود والزمان
قدر ينسيك الذكريات
أيام وشهور فاتــت
وأنت بعيد يا ناسي
كل الحب وقلبك القاسي
خلاني أدفع ضربة حبي
سنين يا ناس من عمري
والوجع اللى مالي قلبي
دموع ساكنة عينــي
محبوسة من سنين
ونزيف دم المكان
اللى كان شاهــد
على كل حب من بعيد
فاكر لما كنت تيجي
روحي عليك تجري
قبل ايديا تسلم عليك
نسيت تدفع ديونك
اللى إتكتبت بألمي
ولا هيكفي عذابي
اللى شوفته من قسوتك
ولا نظرة النار بعيونك
حرقت كل ذرة حب
ودقة ليك في القلب
بالناقص من كذبتك
ليل ونهار بكلام
وأنا أرسم الأحلام
وأقوم على كابوس
لما أتنسي الإحساس
بالأمان في عالم ظلمك
في كلمة والوعود
ويا دمعة الورد
تبكي على حبي ليك
وأنت ولا فارق معاك
تشوف فرحة عيوني
ودقة قلبي ويا روحي
لما تفرح في لحظة
كله إتنسى في دقيقة
وأصبح الماضي ذكرة
وسافرت للفراق بتذكرة
ذهاب لكن بلا عودة
وسافر قلبي للوحدة
أحسن بكتير من فرحة
مسروقة في ثانيــة
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري