سنة جديدة (من الشعر الحر)

كتب: محمد عماد

سنة جديدة ..

طب وإيه الجديد ..

عدى يوم ويوم جيه جديد ..

والسنة الجاية وقتها مش بعيد..

أيام بتمر ..

بالحلو وبالمر ..

في لحظات تحزن وفي أوقات تسر..

شوفنا ياما شقا وشقينا ..

في قلوبنا حزن وبقى فينا اللي مكفينا ..

شكرًا للي وقف جنبنا وكان دعم لينا ..

وأوجعنا احنا معاه نسينا ..

ومفيش فرق بينا وبقى مننا فينا..

الدنيا مدرسة كبيرة ..

يا تجهد وتفهم دروسها ..

يا تعيد سنين اوجاعها من تاني ..

ومحدش هيعلمك حاجة ..

عشان الأصل في الإنسان أناني ..

الدنيا صراع ولو عيشت ضعيف فيها ..

يبقى مالكش مكان فيها ..

هتقولي أنا طيب هتقولي أنا وأنا ..

هقولك هي كدة ولو اتكلمت من دلوقتي لبعد سنة ..

أفهم كلامي أنا معاك مش ضدك ..

الكلام ده اتعلمته لما كنت شباب ادك ..

عايز تاخد كلامي وترمي في البحر براحتك ..

بس هيجي يوم هتتعلم العوم ..

عشان تدور على كلامي من تاني ..

بس يا خسارة وقتها مش هيفيد حاجة اللوم.