سندي فى الدنيا
بقلم د. عبير عبد المجيد الخبيري
إهداء لكل أخت سند لأختها
لما قالوا سندك في الدنيا
قلت أختي نور عنيّا
سندي وطهري ومسحة
دمعي وقلبها مِزاد حنيّة
لما أزعل دايماً جنبي
مدرسة في صفو النيّة
ولو الدنيا قفلت بابها
ألاقي بابها مفتوح ليّا
أول صاحبة سرّي معاها
ده إيدها لمسة سحرية
مهما تغيب شمس البراح
بتكون ليا شمس وفيّة
أول فرحة ضي عينيا
ده ضحكتها نسمة عصريّة
مهما اكون مليانة هموم
كلمتها بتمسحلي أسيّة
ربنا يخليها دي دعوة ليها
في الفجريه
وتعيش في عيشه هنية
تفضل تاج فوق راسي
أمي التانية وغاليه عليا
المزيد
رحيل : بقلم: سعاد الصادق
الشمس مشرقة بقلم عبير عبد المجيد الخبيري
بل عتاب بقلم د. عبير عبد المجيد الخبيري