كتب:منتصر محمد
والي ما يعرفشي سماح…..جاهل في معني الحب
دي مسكنات للروح. …..ومنشطات للقلب
بتداوي كل جروح. …..كانت بديل للطب
انا كنت كاره نفسي. …..وبيها عرفت الحب
في عيونها كنت اسير. …..مسجون وانا الجاني
وفي غربتي برجع …… بلاقيها اوطاني
رحال بلا عنوان. …… وكانتلي عنواني
سابتني لوحدي ومشيت …..وبقيت في احزاني
حاولت منها اشفي. …..وبرضو لسه بعاني
وبعد فراقها خلاص ….حجات كتير نقصاني
وبقيت انا المجني. ….. بعد اما كنت الجاني
يا ريت نرجع يا ريت ترجعي ونكمل المشوار
بعدك انا تايه بعدك دا كان اصعب قرار
دنا كنت بشوفك وسط الضلمه نور
وفي عيونك بشوف الليل نهار
يعز عليا اكتبلك وانا مشتاق
ويعز عليا احكيلك اد ايه كان وجع الفراق
وبأن حياتي من غيرك مش هتكمل
ورافض قلبي ينساكي ويسلم
لامر بات مكتوب ومتمسك بيكي في غيابك ورافض انو يستسلم
ولسه عنك بيتكلم
ومستني في يوم يزور بابك
ومحرابك يكونلو نجاه بعد ام تاه سنين محتار
ولو الجنه من غيرك معا غيرك هيختار معاكي النار
كأن الدنيا مخلوقه بس علشانك
وعلشانك انا اتخلقت ليها
ولو وجودك جنبي مش هيكون
فمش عاوز اعيش فيها
ولسه صورتك بتجيلي في الاحلام
واقوم من نومي كل يوم مفزوع
علي امل الرجوع لاكن الرجوع ممنوع
وقلبي كان فارض حداد بانو يعيش بعدك خلاص موجوع
وبكتبلك علي ورق اشعار قصص رويات وبرسملك بحور من الشوق انا مشتاق وترويها عيوني دموع
وعقلي من التفكير طلعلو صوت علي هيئة نزيف لاكنو مش مسموع
رحيلك ساب مكان جوايه فارغ
ولو سكنو جميع الكون برضو هيفضل فارغ
ودايما كنتي بتقولي ما بتقفش الحياه علي حد
بعدك وقفت حياتي بجد
يالي انتا دايما بتقول ما وقتش الحياه علي حد
جرب تضحي في يوم….وتحب مره بجد
وتدفع حياتك تمن…. معا ناس تصون الود
وتمشي في طريق مفتوح …..وفجأه يطلع سد
هتلاقي روحك تاهت. وفجأه قلبك مات
ملعونه كل المسفات…
كل الي حب اتظلم. كل الي اتوهم
والي يفارق حبيبه كأنو طيف ومات
الحب اصبح سراب. منفي في وطن كداب
بنبدأ فيه احباب …. وبنرحل عنه اغراب
وياما فيه ناس كتير رحلة وفارقت بدون اسباب
وناس كتير ماتت كانو لينا احباب
الحب زي القبر ولازملو الف حساب
وعشان تعدي وتنجي. وتعيش كمان في الجنه
لازم تكون راجل توفي ومش كداب
القلوب مش لعبه في ادينا علشان نعلقها وبعدين نسيبها خراب
دنا كنت ليها وطن ملجأ في وقت المحن
حبيتها بكل جوارحي وفؤادي وعنيا لغيرها ما شافت
جرحت قلبي وفؤادي
وسبتني فجأه وغابت
سألتها جاوبتني عادييعني
ما فيه ناس كتير فارقت وسابت
سكت ما رضيتش ازود في الكلام
اصل الكلام سعات بيوجع
فجأه لقيت عنيا لوحدها بتدمع
قلتلها خلاص عادي عاوزه تمشي وتسبيني
بتكلم طبعا والدموع نازل من عيني
بس قبل ما تمشي لحظه واسمعيني
رجعي عمري وحياتي او سنيني
رجعي كل الاماكن والشوارع والقصايد او حنيني
او رجعيلي حياتي من جديد
طفل مولود كان سعيد وقلبو لسه اخضر
كنت بعشق الالوان او اي منظر
رجعي عمري الي ضاع لحظة وداع
او رجعي قلبي الي حبك ولا بغيرك اتأثر
رجعتهولي ومشيت ولاكن يا ناس كان قلبي متكسر
المزيد
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق