سلام

كتبت:أسماء سامح 

كنتوا قولوا م البدايه
باني مجهوله ف روايه
مش روايتي والنهايه
باني اعيش وسط الركام
طب عرفوني
او فهموني
ليه كدبتوا في الحكايه
ليه شوهتوا المرايه
خلتوني أشوفكوا فيها
مجرد حطام
انا عمري ما اكره حد حبيته
ف يوم
ولا عمري بتمناله شر
أو هموم
انا بنت أصل واتربيت
ع الأصول
مهما زاد الجرح فيا
سر جرحي مش بقول
كنت احكِي كل حاجه
اي هيجرى لو حكيت؟
لو كنت دوغري اي هيحصل
للخيانه ازاي مشيت!!
يبني قلبك لسه طيب
يبني عارفه انك حنين
قولي ليه الحزن طيب
بس لي قولي اتنسيت؟
هل كنت وحشه؟
هل كنت مستاهلش حبك
لو لوهله؟
ولوهله ليه
انا غاليه كان لازم يكونلي العمر كله
ليه مشيت؟!
لا واشتكيت
للكون بحاله اني فاشله
اني معرفتش احبك
كنت جيت ليا وحكيت
طب خلاص
معتش فارقه
هي جات يعني عليك
بس لسه برضو شايفه
جوا منك ألف بيت
جوا منك شخص تاني مش أناني
جوا منك شخص تاني مش أناني
مش هشوفك يوم أناني
مهما حكيت
اللي عايز يمشي يتفضل سلام
واللي باقي ألف أهلا
واللي خان واللي باعوا للزمان
بكرا تتحاسبوا على غدر الأمان
واللي مشيوا بس لسه بينا خير
بينا عزوه مهما بعدتنا السنين
ألف شكر ليكوا جدا ع الحنين
طب كفايا
حبر القلم يسطر نهايه
لكل قصه بتنتهي ويسطر بدايه
لشيء جديد