كتبت: لبنى عادل يوسف
بتسأل أنا ليه ببكي
ولا أنا ليه دمعي على خدي
ما كله نتيجة لوجع قلبي
وزيادة تفكير من عقلي
أنت ليه هتسيبني وتمشي
وليه هتزود عليا جرحي
إيه نسيت وعدك ليا
أن عمرك فى يوم ما تيجي عليا
ولا تبقى سبب في دموع عيني
نسيت الوعود اللى كانت بينك وبيني
ولا كان كله كلام في لحظة وهتعدي
كنت فاكر أنه وقت وبيعدي
وأنه هيبقى في يوم كلام منسي
بس للأسف قلبي أتعلق بالكلام
كان فاكر إنه في وقت وحدته
هيلاقى قلبك هو الونس
بس وقت الوحدة أكتشف أن قلبك هو الوجع
كسرت قلب وأنت عارفه حساس
قلب كان متفق مع قلبك على الإخلاص
كانوا متواعدين بالوفاء مهما اختلف الزمان
بس للأسف قلبك خان
وتحكم شيطانك فيك بان
بس وعد أنك ترجع ندمان
هترجع بقلب مكسور
ومن الأحباب مخذول
هترجع تطلب العفو والسماح
ونفسك تعيش ولو يوم واحد مرتاح
ووقتها هفكرك باليوم اللى كسرتني فيه
هفكرك بقلب كان بيحبك وجيت عليه
وهعرفك أن القلب ده هو اللى دعا عليك
رغم أن عمره ما قدر يدعي عليك
بل كان دائمًا يدعي ليك
يدعى ربنا يهديك
ويبعد عن قلبك أي قلب فكر يقسى عليه
عرفت بقا الفرق بين قلبي وقلبك إيه
قلبى اللى كان يدعي ويقول
يارب اكسر قلبه زى ما كسرني
ويرجع يقول يارب ما تكسر قلبه
عشان وجع كسر القلوب صعب
ومش عاوزه يعيش نفس الإحساس اللى أنا عايشه
يارب أبعتله قلب حنين عليه
يخليه راجل بجد يُأْتَمن ليه
ولقلبي العوض اللى يحبه بجد
ووجع الوهم اللى كان فيه ينسيه.
المزيد
أنفاس جديدة بقلم ميليا عبدالكربم
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري