أنت مين

كتبت : زينب إبراهيم ” شاعرة الأمل ” 

 

أنا إيه اللى بيجرالي 

بقيت بشتاق ليك عادي 

ويا نظرة من عيون يا غالي 

أنت مين يا عم الفارس 

اللى عامل زي الألماس 

بتسحر عيون كل الناس 

وأنا قلبي من يوم ما شافك 

اتخطف وراح بعيد معاك 

في كل مكان بقيت بشوفك

ياللى شاغلت البال سنين 

أنت يا فارس احلامي مين 

ولا أصلاً جيت من فين 

حبك خلاص اتملك مني 

بقيت ساكن كل قلبي 

معاك على طول روحي 

أنا مكنش ليا قصة حب 

ولا في يوم دق القلب 

بس معاك عرفت معني الحب 

اللى يشغل البال ويا العقل 

ومعاه كل حاجه جميل 

أنت مين يا إبن الأصول 

ولا عيونك الحلوين دول 

أنا قلبي داب من نظرة 

ما بالك بقا بكلــمة 

عقلي راح مني يا ناس 

بدور عليه وهو مع الفارس 

قلبي وعقلي راحوا مني 

حب سنين بقا في لحظة 

حد يقله يخبي عينية دقيقة 

مابقيتش أعرف الأيام 

بيجي حتى في الأحلام 

وأنا صاحية وفي المنام 

كل ده حصل أمتي وليه 

قلبي اتشد ليه بالشكل ده 

وعيني بقيت مشتاقه ليه 

في كل يوم وكل ليلة 

قلبي يسأل عنه روحت فين 

وياتري بيعمل إيه والمكان 

اللى كل يومي بقا ليه 

وتفكيري كله بقا معاه 

حب ده ياناس ولا جنان 

ده عيونه ماليانه حنان 

بتلمع وتنور كل مكان 

بس نفسي أعرف أنت مين 

بشوفك ببقي من السعادة طائرة 

بين الورود زي الفراشة 

من الفرح أنا في السما عالية 

زي نجمة بين النجوم لامعة 

معاك بحس إني واحدة تانية 

لا شافت يوم زعل ولا خوف 

مفيش حاجه تبعدنا ولا الظروف 

حبي ليك زي شمس ساطعة 

في يوم ماليان غيوم سودة 

جيت أنت نورتها من تاني

خليت اليوم مالهوش زي 

وإيه يساوي بعدك عني 

من غيرك الحياة دي 

عاملة زي عيل صغير زعلان 

من كل الولاد يا حبيبي غيران 

الكل معاه أمه إلا هو وحيد 

عشان ماماته عنه بعيد 

تعال يلا يا حلو من جديد 

مفيش في الدنيا زيك حد 

ولا أي حاجه تساوي حبي ليك

ياللي أنت ملكت روحي بقلبك 

وملكت قلبي في ثانية يحبك 

اللى مالي كل حته وروحك 

في كل وقت أنا بحبــك .