شعر: محمد الشيمي
عن حد شال همي
الحلوه تبقي امي
ست النساء والناس
بنزل ببوس ايدها
ولا حتي هوفيكم
بالحب والتفاصيل
والفرحه دي ف عينها
امي جبل شامخ
وامي دي حور جنه
عن ضحكة امي تسوى عندي كتير
تسوى الحياه والدنيا واللمه
شالت وجع ياما ولا حتي بان شكوي
كل اما ببقي قوي امي تبان اقوي
كل اما ابان تعبان ضحكتها بهتانه
نتمني اي م ربنا غير أنها تكون وسطنا وتبقي ويانا
“أمي”
عن حد شال همي
ودعالي ابقي بخير
سِهرت سنين جنبي
علشان تشوفني كبير
وكبرت والله ودا كله من خيرها
دا الحب ملو القلب
هيروح لمين غيرها
عن الأم اللي شالتني ف وقت ما كله كان باعني
عن امي وست الكل وست الخلق والمخاليق
بقدملك كلام غالي لكن مايكفي حكاويا
بحق الله وحق وجودي وياكي وحق وقوفها جنبيا
بقولك والله يامايا لو الدنيا دي تبقي قلوب ماتكفي بصه ف عيونك
غريبه ياما والله بكل القوه دي فيكي بتنزل دمعه وتخونك
القلب شال أحمال والصبر صبر جبال
بحلف بأني لو اطول اشيل الأرض
واتحامى جواكي
داانتي خيرنا وانتي غيرنا
وانتي كل الناس يحلوه
وانتي امي وامي عندي
هي كل حاجه حلوه
المزيد
أنفاس جديدة بقلم ميليا عبدالكربم
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري