شعر: محمد جلال اللقاني
الحقيقة
نفس الابتسامة من سنين
نفس الحنين
نفس الآلم من دون عتاب
والكلام الحلو يجي
كل فترة بدون ميعاد
وأنها رافضة التصالح
لأجل تبعد بالساعات
كتبت كتير
علشان أفضل بعيد عنك
وابني كل أحزاني
واداري ألمي في وجودك
واكتب تاني عن قُربـك
واقول إنك خذلتيني
جرحتيني
وطالت دمعتي عنك
بعدتي
بدون دليل عن ذلك
وزاد حنين هجـرك
ويبدأ عمري من عندك
وعندك نار بتأذيني
نسيت إنك وحشتيني
فعذرًا عن سنين القُرب
وكل التفاصيل الحزينة
اللي أتبنت مني ومنِك
فاصل طويل يمكن
لاني كنت ببكي كتير
العذاب مش فالتقارب
كله دائم ع التخلي
وإنها فضلت تقاوم
لأجل تفضل مستقيمة
الساعات بدأت توقف
وأنت بطلت العتاب
العذاب مش فالتقارب
كله دائم ع التخلي
وإنها رافضة التصالح
كل يوم تفضل تقاوم
ع الصراط اللي آبتدئ
يوم ما شافت دمعته
وأنه رافض يبقى راضي
أو يصالح لو هترضى
تصدق كل أوجاعه
وأحزانه تطول وياك
بيشكي كل أوقاته
ويحكي لكل خلق الله
بيعرف يسرد التفاصيل
ويبني على القوافي بحور
يعم القلب فاض وياك
ومال قلبي سعات لأجلك
وبرده بتنكر الأوقات
اللي ابتدت مني وليك
وبتكابر بدون مرجع
تعودله وقت ما تتساب.
محمد جلال
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري