آخر حروف القصة – شعر لخالد عبد العظيم عويس
آخر حروف القصة
مش كلمة بخط إيدك
ولا نظرة بطرف عينك
ده لسه الكلام كتير
والقصة منتهيتش
ووجودك أو هروبك
في القصة ما بيفرقش
أنا اللي بإيدي بكتب
كل حروف الحكاية
أنا اللي بفكري برسم
طريقي للنهاية
وإن كان هزمني ألمي
لسه ما ماتش قلمي
ولو آخر يوم في عمري
برضوا أنا اللي هكتب
آخر حرف حكايتي
وإن كانت البداية
عشق وسهر وأغاني
مش هتكون النهاية
إني أموت بآلامي
المزيد
الطموح بقلم أماني منتصر
رحيلي خُرَافَةٌ بقلم محمد السناب
شـهـادَةُ زَمـانٍ قَبـيـح بقلم أحمد علي سمعول