” عشق دموي ”
ك/ صافيناز عمر ” معشوقهه البدر”
“بعد مرور 18 عام ”
تستيقظ مسك في تمام السادسه صباحاً كعادتها ، وترتدي حذائها وتذهب للحمام لتتوضأ وترتدي حجابها وتؤدي صلاتها بخشوع تام ، ثم تقرأ كلمات الله لتستكين من قلقها الذي دام طوال الليل ،
فهذا اخر يوم لها بهذا المكان الذي شهدت به الضرب والتعنيف وايضا الحب والود والضحكات الممتعه ، لا تعلم اين ستذهب أو كيف أو ما وجهتها ، لكنها تعلم أن ربها لن يتركها وسيحميها مثلما حماها كل هذه الأعوام ، تفيق من شرودها علي صوت تميم .
تميم طفل ذات ال ٥ أعوام منذ أن آتي تعتني به مسك وتهتم بكل تفاصيله ودائما تكون بجانبه وتدعمه بكل شئ ، طفل رقيق لديه من العيون ما يسحر كل من رأها فهي ؛ بلون الرمادي الداكن وتلمع مع اشعه الشمس وشعره كثيف اسود ،كانت تعتني به ملاك دائما
تميم وهوا يفرك بعيونه : خاتو مثك( خالتو مسك) .
لتلتفت مسك وتراه بشعره المبعثر وبرائته المعتاده .
مسك بحب وهي تعبث بخدوده : قلب وعيون وروح مسك ، اي صحاك دي لسه الساعه ٧ ونص .
تميم وهوا ينزع يديها : بث بقاا ختوتيي وتعتني ( بس بقا خدودي وجعتني )
لتضحك مسك بشده عليه وعلي طريقته في الحديث ، دائما كان تميم يخاف من كل شئ من ما جعل عنده تعلثم دائم في الكلام .
مسك وهي تضمه لصدرها : خلاص يا تيمو تعالي في حضن خالتو يلا وحشتنييي .
تميم وهوا يحتتضنها : ملك تقول مثك امثي بوكلا ( ملك بتقول مسك هتمشي بكره ) .
مسك بحزن : لا يا روحي انا همشي حبه بس وهاجي تاني عشان تيمو حبيبي ،
تميم ببعض الدموع التي تحجرت بعينه : لا انتي ثبيني زي بابا وماما ( لا هتسيبيني زي بابا وماما )
مسك بلهفه حزينه : لا يا تيمو وعد ولله مش هسيبك وهجيلك دائما بألعاب كتير اوي .
تميم ببراءه : وهتجبيلي ثولاته بتوق( هتجبيلي شوكلاته بل بندق )
لتتضحك مسك وتقول مبشاكسه : ايوا هجبلك ثولاته بتوق .
فضحك تميم وضمها وذهب ليخلد للنوم مره اخري .
waiting
مسك الدالي : فتاه لا تمتلك اسره ولا اسم لكن اخدت اسم الدالي من مراد التي تعتبره شقيقها وهوا من سماها بمسك ، واعتني بيها ، لا تمتلك عائله سوا مراد وهاشم ومحمد ، وكلهم قد أتمو الثماني عشر أعوام وخرجوا من الدار ، ولكن كانو دائما يراسلوها ويأتي لها بكل ما تريد ، لكن مر شهرين الي الان لا تعلم عنهم شيئ ، كانت كل ما تملكه أن تدعي الله أن يكونوا بخير فقط .
مسك فتاه بوجهه طفولي وجسد أنثوي يحوي جسدها كل معالم الانوثه الطاغيه ولكن لم يخلو وجهها من الجمال والبراءة ذات عيون بلون العسلي الفاتح وشعر بلون البني الفاتح وشفاه متكرزه تحمل معها حمره طبيعيه علي شكل شامه بشفتيها وكانت قصيره بشده درست بثانوي العام وكانت تريد التحاق بكليه الغات وترجمه ولكن كان هناك عقبات كثيرة بسبب عدم احتواء مسك علي كنيه أو عائله حتي ضمها مراد الدالي الي اسمه وأصبحت شقيقته المتبناه .
والتحقت بكليه اللغات والترجمه ولكنها تدرس من الدار وتذهب اوقات الاختبارات فقط لا غير .
نادي الحارس علي مسك بعد اذان العصر مباشره .
الحارس بحب : مسك يا بنتي ، كلمي مديره الدار يا حبيبتي عاوزاكي .
لتذهب له مسك ببسمه بشوشه وتقبل يديه .
مسك بحب : حاضر يا اجمل عمو في العالم هروح اهو .
الحارس بحزن : ولله يا مسك يعز عليا اوي انك تمشي دا انتي بلسم الدار دا كله يا بنتي .
لتبتسم بحزن : ولله يا عمو دا نصيب ونصيبك هيصيبك كدا كدا فا الحمد الله ،المهم ماما هيام فين
ليقول لها : في مكتبها روحي ليها يلا .
لتبتسم له : حالا اهووو .
تذهب مسك الي مكتب مديره الدار وهي علي وشك البكاء فلا تعلم اين تذهب وكيف تسطيع مواجهه هذا العالم وهي لا تتكلم مع اي شخص حتي اخواتها لا تعلم عنهم شئ الي الان .
مسك بود : اخبارك اي يا ماما هيام ، عمو قالي انك عاوزاني.
لتبتسم هيام بحزن فهي أكثر شئ تكرهه في هذا الدار أنها بعد أن تربيهم وتعتني بهم ترميهم بيدها في شارع لمجرد رقم او عمر كما يقال .
هيام بمحاوله الابتسامه : اولا يا سوكا كل سنه وانتي اجمل واحلى بنوته هنا في الدار كله ، وكل سنه وانتي طيبه ونقيه دائما .
مسك بحب : وحضرتك طيبه يا ماما يارب ، وربنا يخليكي ليا .
لتحضتنها هيام بحب والي هنا فاضت عيون مسك بدموع لتتمسك بشده بهيام وتبكي ، ولم تستطع هيام التحمل وبكت معها .
هيام بحب ودموع : خلاص يا سوسو بقا في اي انتي كبيرتي خلاص وبقيتي واعيه ومسئوله ، عن نفسك قبل اي حد ، حافظي علي نفسك يا مسك عشان خاطري .
ومسك وهي تمسح دموعها بظهر يديها كلأطفال : ايوا يا ماما معاكي حق ، بس يا ماما ب الله عليكي متعرفيش حاجه عن ثلاثي الاهرام بتاعي ، قلبي وجعني عليهم اوي ، وازاي مش بيكلموني كل دا .
لترد هيام بحزن شديد عليها : لا ولله يا روحي معرفش عنهم اي حاجه ، بس خدي المبلغ دا اخر حاجه من فلوسهم اللي كانو سايبنها ، دبري بيهم سكن الشهر دا ومن اول الترم الجديد تروحي سكن الجامعه بتاعتك .
مسك بدموع : منا مش عارفه ممكن اروح فين واحجز شقه عند مين انا معرفش اي حاجه بره الدار ولله يا ماما .
هيام بحزن وهي تمسح دموع مسك : مسك انتي كبيره وواعيه انا بنتي قويه مش ضعيفه وهتعرف تتصرف انا بثق فيها .
مسك بدموع أكثر : ماما وحياتي خليني ، اوعدك ولله العظيم مش هكون مشاغبه
لتوطي لتقبل يديها بهستريه : ابوس ايدك ولله مش هقدر اعيش بره بخاف من كل الناس ومش بعرف اكلهم ونبي يا ماما ونبي
لتذهل وتبكي هيام وتضمها : ولله العظيم يا مسك ما بأيدي ولله ما بأيدي سامحيني يا بنتي ولله وحقك عليا وبعدين من أمتي وانتي مشاغبه ، دا انا عشان كدا بقولك خلي بالك من نفسك.
مسك بدموع: مسمحاكي ، حاضر يا ماما هخلي بالي .
هيام بحزن : خدي يا مسك الورق دا فيه كل حاجه ليكي عن جمعتك وكنيتك وكل حاجه ودا حقك هنا ، والفلوس معاكي اهي يا بنتي ، ربنا يوقفلك ولاد الحلال ، لمي حاجتك وتمشي علي المغرب .
مسك بدموع صامته : حاضر يا ماما وشكرا لكل حاجه حضرتك عملتيها ليا .
تركتها مسك وغادرت سريعا وسط بكائها وشهقاتها لتبكي هيام بشده وتقسم بداخلها أن مسك هي ابنتها وليست ابنه مرباه هي اميرتها واميره هذا الدار كله .
غادرت مسك ولملمت اعراضها بعض الملابس القديمه والالعاب التي اتو بها ثلاثي الاهرام لها ومصحفها المحفور عليه اسمها كان هديتها من هاشم صديقها المقرب .
وبعد ما ادت فردها .
مسك بحزن لتميم: تميم حبيبي لازم تخلي بالك من نفسك وتحافظ على نفسك وتاكل دايما واهم حاجه لازم تحافظ على صلاتك فاكر ازاي بنصلي يا تميم.
تميم بحزن : اه يا مثك فاكر لازم ان احنا نقوم نتوتا بعدين نثلي وعارف كل حتوات الثلاه
مسك ببسمه بريئه : ماشي يا روح قلب مسك خلي بالك بقى من نفسك وانا همشي وهاجيلك كتير وعد مني والله .
تميم بحزن ودموع : مثك ممكن اخد بوثه وحتن ( مسك ممكن اخد بوسه وحضن )
اخدته مسك علي فور داخل أحضانها ومسدت علي ظهره بحنيه معتاده منها ثم بعد تميم عن حضنها قليلا .
تميم ببراءه طفوليه : لاث يا مثك انا هعمل كل حاته ومث هعيط حالث وعد . ( خلاص يا مسك انا هعمل كل حاجه ومش هعيط خالص وعد )
مسك بابتسامه : ماشي يا قلبي مسك وانا اوعدك ان انا هو في بوعدي واجي لك دايما .
ثم ودعت جميع الأطفال وداع حار ومحزن فجميعهم متعلقون بها كثيرا فكانت لهم معلمه واخت وكل شئ .
ذهبت مسك لتسلم علي المربيات .
داده سميحه بحب ودد : هتوحشيني اوي يا مسك يا بنتي حافظي علي نفسك يا حبيبت قلبي .
مسك بدموع : ادعيلي كتير يا داده وخلي بالك من تميم ونبي .
الداده بحب : في عنيا يا بنتي .
انتهو من الحديث علي صوت مزجع ومرعب بنسبه لملاك
عنيات بخبث: هتوحشيني يا ملاك ياك تكون رحلتك سعيده مع البشر ولا اقول لك ربنا يخلصني منك احسن مش عايزه اقول لك انا زعلانه قد ايه ان انتي سببانه وماشيه .
ملاك بتعلثم: ححح ….حاا حاضر ، انا ماشيه يا داده .
خرجت ملاك مسرعه ولكن هذه المره ليست من الغرفه فقط بل من دار بأكمله خرجت لمستقبل مجهول بنسبه لها ، مليئ بل مغامرات والأحداث .
أما بمكان اخر ب”سان فرانسيسكو ”
يستيقظ بطلنا من نومه وهوا يشعر بألم برأسه يفتك به ليفتح عيونه قليلا ويري أحدي فتيات الليل بجانبه ليعصب عليها ويمسك بشعرها من جذوره بين يده
بدر بهدوء مخيف : مش انا قولتلك يا بنت الكلب اصحي مشوفش وشك هنا تاني ، واخلص معاكي وتغوري .
البنت المصريه : انا اسفه ولله يا باشا حقك عليا احنا خلصنا وانا محستش بجسمي غلطه ومش هتتكرر يا بدر بيه .
بدر بصوت جهوري : قوووووومي غووووري يلااا.
لتذهب البنت سريعا من أمامه برعب شديد كيف كان معها أمس وكيف هوا الان من يراه يقسم أنه فقط شبيه له وليس هوا تماما .
لملمت الفتاه اشيائها وخرجت لم تجد أحد بل منزل ولكن وجدت ظرف علي الطاوله ملئ بنقود من عمله الدولار .
اخدته بجشع وذهبت
عند بدر في شركه
دخل بهدوء مرعب بنسبه للجميع فا الجميع يهابونه ويخشون منه ومن عصبيته وهدوءه المرعب .
بدر بجمود : خالد ابعتلي كل الاوراق والصفقات المتأخره الايام دي بسرعه علي مكتبي .
لم يتنظر رد خالد كمعتاد وقام بقفل الخط ، ولكن لم يمر الكثير من الوقت حتي تقدم خالد الي المكتب وترك الباب واذن بدر لخالد بدخول .
خالد بغمزه : اي يا صاحبي مش تطمني ولا تبعت ميسد كول حتي دا منظرك خلاني لتأكد أن البت ماتت يا حب
بدر بقرف : الله يقرفك ويقرف الفاظك هات الورق وغور من وشي
ليقهقه خالد بشده : ماشي يعم همشي المهم امضي ورق شركات الدالي عشان هننزل مصر الفترة الجايه
اومأ له بدر وخرج خالد ، وبعد قليل من الوقت دلفت جيسيكا سكرتيره بدر .
جيسيكا بعمليه : Mr. Badr, we need to sign a shipment transfer deal urgently.
( مستر بدر لازم نوقع علي انتقال الشحنات ضروري )
بدر بهدوء : Ok give me these papers
(اوكي اديني الورق )”
أعطته جيسيكا الاوراق المطلوبه ليقول
بدر بهدوء : Jessica I want my cup of coffee
( جيسيكا اديني كوبايه القهوه بتاعتي )
اومأت بهدوء وخرجت من المكتب وطلبت له كوب القهوه ، وباشر أعماله بهدوء .
في مصر وخاصتا في ” الجيزه ”
تقف مسك بعد ما شعرت أن قدمها ستهوي منها من كثره السير عليها طوال الطريق .
وبكت بهدوء وهي تدعي ربها أن ينجيها من هذا كله وان يسترها تحت سقف أي منزل الان فهي حقا تعبت من كثره سؤال العالم عن منزل للسكنه
مسك وهي تدعي بدموع : يارب ونبي ساعدني مليش غيرك يارب افرجها من عندك انا تعبت اوي ولله ، يارب الاقي مكان بقا عشان مش قادره .
وكأن الله ينتظر سماع صوتها
ليسمعها أحد الطلاب الملتحقين بجامعه القاهره ؛ لان مسك كانت شبه بجانب الجامعه فهي لم تخرج من الدار سوي لتأديه اختبراتها.
الشخص : في سكن علي فكره لو بتدوري علي سكن هوا هنا جنبنا في فيصل خدي اي عربيه هتوديكي .
شعرت مسك بل خوف فهي لأول مرة تحادث شاب غير الحارس واخواتها .
مسك بخوف وهدوء : طب ممكن تكتب العنوان في النوت بوك دي من فضلك
الشب بضحكه بشوشه : اه طبعا
اخد منها النوته الملونه بلون البينك وكتب لها العنوان وعندما لاحظ خوفها أعطاها النوت بوك وذهب سريعا حتي لا تخاف منه أكثر .
قامت مسك بسعاده شديده لتتجهه الي واجهتها واخيرا امل جديد بنور جديد لها .
ولكن وهي تعبر الطريق تظهر لها سياره ومن العدم ونسمع صوت احتكاااك قوي ، ثم ارتطااام أحدهم بل الأرض ………….
” عشق دموي ”
ك/ صافيناز عمر ( معشوقهه البدر )
المزيد
عشق دموي بقلم صافيناز عمر
عالم جزئي
عشق دموي بقلم صافيناز عمر