_الـسـعادة_ ١بقلم فاطمة فتح الرحمن أحمد

الـسـعادة ١

فاطمة فتح الرحمن أحمد

سألت أصدقائي عنها فكانت الاجابات كالتالي ؛
“١”

بقسمهم لاتنين:
سعادة نسبية وسعادة مطلقة،
والاتنين مرتبطين بشي واحد.

سعادة نسبية في الحياة الدنيا ممكن تجي وتزول وبترتبط بعلاقتك بالله سبحانه وتعالى
وسعادة مطلقة في الحياة الآخرة وهي تعتبر نتائج علاقتك بالله سبحانه وتعالى اللي عملتها في الحياة الدنيا.

“٢’

بنبسط بأي شي جديد حتى لو بسيط ما عندي شي معين؛ضحكت وقالت:
“السعاده = رضا بقروش✔️”

“٣”

سعادتي عباره عن راحة نفسية، اكون بصحه وعافيه . وم أشوف أبسط شئ صعب علي ايوا صاح هي الدنيا م ساهله وم كل شئ متوفر بسهوله، بس مرات كتيره بحس أبسط شي م قادره أصل ليهو ومع ذلك بكون متفائله و زوله فرحه .

بإختصار سعادتي راحة بال، وناس يحبووووني، أحس بجد هم بحبوني م عشان شئ فيني حلو عشان انا تستاهل أتحب ❤️
.. القروش زاتا سعاده بشرط تكون معاها الصحه والعافيه.

“٤”

مكان هادئ 🙂

“٥”

السعادة، انك تكون في عين الله، تكون مرتاح نفسياً معافى جسدياً،
مقتنع بالعندك و الحاصل عليك رضيان بقضاء الله. تتعامل مع الناس بحريتك و ما تخاف من رد الفعل..
تحب الناس عشان يحبوك، تسعد الغير عشان نفسك تكون سعيد . و الرضا بالقليل
السعادة بداية و أخرها هي رضا النفس و الحمد لله على كل نعمة ❤️

“٦”

اليوم المطمئن العادي ♥️♥️♥️ده أكبر نعمه والله

“٧” وصحبتي قالت:

“بالنسبة لي هي الأمان وعدم الخوف إنك تكون هادئ ومطمئن وغير مجروح 🤍”