مراياتي

كتبت : زينب إبراهيم ” شاعرة الأمل” 

قولي لي يا مراياتي 

إيه مستخبي تاني ليا 

أنتِ اللى عارفه أسراري 

ولا بتخبي أي حاجة عليا 

شوفتي كل أحزاني ويا سعادتي 

وعارفه إيه هي أفكارنا وأحلامنا 

المحبوسة جوه كلمة نفســي 

بتشوف سعادة الأحلام حوالينا 

ونقف نتفرج ونقول يا ريتني 

كنت وكنت شوفنا أحلامنا 

من تاني قدامنا مش حلمي 

كلمة بقولها دائما وآخر دعوانا

إننا نفرح ولو لحظة بنجاح أمنياتنا 

اللى مرسومة على السحاب وقلبي 

بشوفها كل يوم في أحلامنا 

وأرجع اصحى مع دقات قلبي

وهو يقول يارب حقق منايا 

إني أقول حققت حلمي وسعادتي 

شوفتها حقيقة قدام عنيا 

وأرجع من تاني لمراياتي

واقولها شفتي سعادتنا 

حصلنا عليها من تاني 

من غير أحلام ولا أيامنا

الصعبة خلاص عدت عادي 

ونطيت من فرحتي في الهوا 

وحضنت مرايتي ودمعتي 

نزلت لأول مرة في حياتنا 

بس من البهجة اللى احتلتني

والسعادة اللى مالية حياتنا 

أنا وأنتِ يا مرايتي نفسي 

اللى كنت بشوف فيكِ دموعي 

ليل نهار نازلة من كتر حزني 

وأمسح دموعي وأطلع عادي 

ليهم وأنا لابسة كل أقنعتي 

اللى بخبي وراها بكائي 

بقول أنا تمام أوي وسعادتي 

مرسومة بفرحة على وجهي 

وقالوا في حياتك لا شفتي 

زعل ولا دموع حتــى 

ده النص الأول من حكاياتي 

اللى ماليانه غرابة في فصولي 

كل فصل بحكاية ورواية تاني 

تدخل متاهة من كل متاهاتي 

وإذا طلعت تطلع حيران بروحي 

ياترى هي فرحانة ولا حزينة 

رسمت الأمل في كل حتة 

ولا هي ساكن فيها القسوة 

من كل حد حواليها وحاجة 

حولوها من سعيدة ليأسة 

من الحياة وتتمني الجنة 

اللى هتشوف فيها سعادتها 

وكل لحظة فرح مسلوبه منها 

وهي بتبص كل مرة لمرايتها 

وتتكلم معاها ولا حتى هممها 

كلام الناس ليها أو عشانها 

يقولوا مجنونة بتكلم نفسها 

وهي بتتكلم مع أحلامها