الشاعر :عاطف محمد
لن ننحني
أو ندنو
من يأس الفشل
لن ننكسر
مادمنا نمسك بالأمل
لن تخبو شمس
فى سماء بلادي
فالكل من نبت العمل
مش هانبكي
أو نصرح بالدموع
أصل الدموع هاتكون سلاح
في وش كل اللى استباح
وكل تاجر للنواح
مش في ضهره
أصلنا عايشين نواجه
نبت رجاله بصحيح
لينا تملي في الصريح
يعني إيه دقيقة حداد
يعني لحظة
انكسار
يعنى نرضى
بالمرار
يعني ليل
من غير نهار
لن ننكسر
لن ننهزم
لن ندنو أبدًا
من الفرار
فالنصر
من رحم الألم
وإن وقفنا
يبقى الوقوف
دقيقة واحدة
مافيها خوف
دقيقة
مليانه تحدي
عنوانها واصل
للشموخ
مش هانسقط
أو ندوخ
لسه في ايدينا
الصاروخ
لو كل حته في جسمنا
اتفجرت
برضه البقايا هاتنتفض
هايبك منها عزمنا
ياخد بتارنا كلنا
أسمع كويس ياخسيس
يامن يحركك الهوى
في الأرض مزروع النوى
دم اللى ماتوا
هايروى فيه
هايطلعلكم
مليون أسد
هايجيب مصاريين الكلاب
من كل حته وأي باب
أصل أحنا عادة عندنا
مانسبش تارنا وحقنا
وإن متنا حتى كلنا
صخر الجبال من عندنا
هايعيش يحارب بالإيمان
كل اللى فرط
واللى خان
واللى قبض
فينا التمن
أشهد وسطر
يازمان
بروز خطوط
اللى انكتب
المصرى شهيد….
تحت الطلب
المزيد
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق
الشمس مشرقة بقلم عبير عبد المجيد الخبيري