كتبت: ميعاد الرشيد جمعة
يا القلت انك ما تنسيت وعدم سؤالك ما خصام..
لو كنا فى خاطرك صحيح كان تقول حبة سلام… يظهر عليك نسيت..
واهديت مشاعرك للغمام..
والما بيرجع بالوفا ما اظن يرجع بالكلام…
ماليني ريدك واشتهاك…
غامرنى حد الاكتفاء…
حاميني من النوم هواك…
احلامى بيك كيف اوصفها…
ملامحك ملامح زول رقيق حساس بترتاح ليك…
انت اعمق من احبك…
وارقى من كل المرافي…
وبرضي عاجز لو ازيدك…
ديمة من عشقي الاضافي…
كل ما افكر في ريدك…
القى ريدي عليك خافي…
ما بقول عشقتك ملكني…
والعيون فيها اعترافي…
قالوا اصلو الدنيا معبر…
فيها جد ما بتلقى راحة…
الا صاحب ليك يعزك…
يبقى عنوان الصراحة…
في غيابه الدنيا وحشة…
فاقدة لي انوار صباحة …
مرات احس انك براك…
ما زينا انت الملاك…
ونحن البشر صمتك اصيل…
حزنك نبيل زي الغناوي المرهفه زي الدعاش…
وياروعتك لمن تفيض بالطيبة زي موج البحر…
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري