كتبت: ميعاد الرشيد جمعة
سألت عليك في الغربة
لقيت ردك ماوصل
كيفك أنتي يا بلادي
وريني أخبارك والحاصل
وريني كيف شوارع البيت
وكيف أنتي من غيرنا
أكيد مشتاقه بتحني
بالله كيف شارع النيل؟
وكيف جامعة الخرطوم؟
وكيفن هي مساجدنا؟
وكيفك أنتي من الحصل؟
دموعنا لسه غرقانه
وقلوبنا بالحنين والشوق
وكسرة قلبنا الجوه
مع اللهفه وإحساس الخوف
حقيقي اشتقنا لي روحنا
وروحنا تايهة في الغربة
بعادنا يا غالية طعمه ضنين
وحبك في القلب جوه
بتين تعودي يا الخرطوم
بتين يا سودانا من رجعه
نعود عزاز ليكي
ولي نيلك والخضره
نعود وتعود أحلامنا
ونبني وطنا بي مهلة
بالإخلاص نصونه أكيد
ونبصم عليه بالعشرة.
المزيد
روووز .. الحضن والسكن .. شعر بقلم خالد عبد العظيم عويس
النافذة الهادئة بقلم د. عبير عبد المجيد الخبيري
يا مصرُ يا نبضَ الحضارةِ والعُلا بقلم أماني منتصر السيد