كتبت الشاعرة: أفنان علي
إن مالت الدنيا لا يميل
لو كان العالم ضدنا مفيش غيره في صفنا
لو كل النفوس قالت حروب
نفسه ترد تقول حبيب
قلبه بيت والحيط ضلوعه
من احترام واهتمام حب وأمان
كلامة لمسة فيها الخير فيها الحب
لو كله سابنا واتخلى
هو اللي يبقى بحبه ليا
وقلبي ملكة بيتهنى
والنظرة منه تقول كتير
بتقول بفخره وحبه ليا
بتقول قدرتي وكنتي صح
واخترتي اب واخترتي اخ
واخترتي زوج وحبيب كمان
لو كل هموم الدنيا تراكمت
جوه قلبة تلاقي دفئك
تلاقي فرحك تلاقي حب
جوة قلبة تآمني تطمني
بتحسي إنك في الأمان
وعمره مرة ما ساب ايديكي
وسط زحمة وقال سلام
كلة عشانك واهتمامه بتفاصيلك
ضحكتك حزنك كمان
ازاي دا قادر بإهتمام يخلي قلبك كله أمان
ولو في مرة قال حبيبتي
بتردي بكل إهتمام
ولما يكمل الكلام مكلملة بكل احترام
ويقول يا قرة عيني إنتي
ولما إسمه بييجي صدفة
قلبك بيدق لما تحسي
إنه في لحظه هيبقى طار
تفاصيل كتير بس دايماً
كان فعلا خير الأمين
عاش حياته عشانك انتِ
وكل دعوة تبقي ملكه
وكل لحظة يأس شافها
وانتي بعيدة عنه لحظة
واتمناكِ ليه في الدنيا
وطلبك كمان للأخرة
وخلاص اهو بقيتي معاه
في الدنيا سنده وبكرة تبقى حور عينيه
المزيد
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق