قصيدة بلدي

كتبت: نبيلة الهواري 

ازاي أقولك إني موجوع منك وانتي همك بس دمي عشان يروي أراضيكِ؟

ازاي يابلدي وانا مت شهيد عشانك؟

حميت عرضك ووقفت أسد فوق اراضيكِ وفي الآخر غيري يتمتع بخيرك وانا غريب فيكي ازاي بس يابلدي المفروض اني انا أولى بيكي.

ياقلب حزين ماشي يحكي ويتغزل فيكي، يابحر بلادي والغريب ليه ملجأ فيكي، وانا غريب فيكي يا وردة جميلة بس شوكها جرحني ونزف دمي، لكن من حبي فيكي، يابلدي ياعروسة متهنتش بيكي وفي الآخر جي غيري يتمتع بيكي، وانا أتغرب عند اللي كانو وغدرو بيكي، آسف أصل بلدي خيرها للأعيان، وتملي مبتديش غلبان، حالك يابلد صبح سراب للي مستني منها، اللقمة للغرب صبحت حلال، ولا يوم مديتي ايديكي لضعيف جالك يتحامي فيكي، ولا لفقير تايه فوق أرض معاليكِ، بلدي أم الدنيا وأنا غريب فيها.