قالوا زمان

الشاعر: عاطف محمد 

وقالوا زمان كلام الحبور

كلام النصيحة وصوت القدر

ده فرز النفوس كفرز الصخور

تلاقي نفوس حجرها كريم

وبعض النفوس قوامها الحجر

 

 

تقابل في ناس شهامة وأصالة

حياتك معاهم كخير المطر 

وغيرهم يبانوا سلام السهارى

وهم وحوش قناعهم غجر

 

وتلقى في حياتك زهور الربيع 

وناس بنت ناس ثمار الشجر

تقرب يجولك ويملوا سنينك

ويفدوك بذمة…. تعلم بشر

 

وتلقى جماعة 

وناس على النقيض 

قوامهم جميل شحيح الثمر  

يصادفك براءة وحس النسيم

ولكن حقيقي شعورهم ضرر

 

وناس مش شبهنا

تحب الخيانة وتسرق فكر

بتوعد وعود بتشبه غيوم

بترعد وتبرق بدون المطر 

 

 

وشهد الكلام يقابلك كتير

ولما تدوقه يضيع النظر 

وتلقى كفيف فؤاده بصير

وتلقى قلوب عديمة بصر 

 

 

ويسبق خطاك جماعة تساعد

وساعة مساعدة ماتلقى أثر

وأحسن كلام حروفه قليلة

يطلع ثمار .. بليغة أثر