كتبت: أماني هاني عماره.
نادتلي أمي في الصبحيه
قالتلي تعالى يا أغلى ما ليا
أه ياما لو تدري ازاي
الدنيا جايه عليا ومش رحماني وبتقطع فيا
يا ما تعالى وضمينى
حضنك دا كل ما ليا دا أمانى ومنوا طلعت
وأقدر أقول وبعزم ما فيا
أنتى الدفا والحجر الدافى
أنتى ليا كالعسل الصافى
ارتوى منو وما أشبع أبدا
ولو قرب منك أى غريب
ازعق فيه وبعزم ما فيا
أنتى ليا يا أمي وبس
أغير عليكى من كل الناس
آسف ياما لو يوم زعلتك
أو خليتك تبكى عليا
وأنا صغير دايمًا يقولولى
الأم دى تتشال على الرأس
كنت اطنش واستهزئ بكلامهم معذور يا أمي بحكم سنى
لحد ماجه اليوم اللى أقول فيه
أمي دى أغلى الناس
أمي دى أغلى ما ليا كنتى تقوليلى يوم ولادتك
كان أسعد يوم مر عليا
يوم ما شوفتك
يوم ما ضميتك لحضنى
يوم يوم يوم مش هعد
كل يوم وكل لحظه بتكبر فيها كانت أجمل لحظه ليا
يوم ما جربت تمشى وقعت قولت ماما
كانت أجمل لحظه ليا
أول مره اسمع صوتك كان بينادى عليا
بس مش عارفه إيه اللى حصل
فجاه اتغيرت
تعلى صوتك
تبات بره
وكمان متردش عليا والله يا ابنى كبرت وتعبت
ومبقتش حمل قلق عليك
مبقتش حمل وجع كتير
مبقتش حمل مداديه
أنا يوم ما خلفت الولد
أنا قولت جالى السند
جالى اللى هيشيل عنى
جالى اللى هيبقى راجلى هيبقى سندى مش يزيد الحمل عليا
سامحيني ياما وارضى عنى
دا أنتي آخر أمل ليا خلاص ياما اتعلمت الدرس
وعرفت معنى كلمة أم
بس الندم جه متأخر بعد ما الدنيا لعبت بيا
مبقاش ليا غير حضنك غير حجرك أنام فيه
يا رتنى ما اتمردت عليه
مبقاش ليا غير رضالك أوعى ياما تبخلى بيه
دا آخر أمل ليا وأقسم بالخلق الكون مهما يكون مش هرجع زى زمان
ولو رجعت مش هيبقى ليا مكان
يا رب احميلى أمي وباركها فى كل مكان أمي دى أغلى الناس أمي دى كل ما ليا
المزيد
مَا بَالُ قَلْبِكَ يَرْضَى الذُّلَّ مُنْهَزِمَا بقلم أحمد علي سمعول
سأبقى أسيرُ إلى الحلمِ مبتسماً بقلم اماني منتصر السيد
يَــا قِــبْــلَــةَ ٱلْأَرْوَاحِ يَــا سِــرَّ ٱلْــمُــنَــى بقلم أحمد سمعول