كتب:علي الشاعر
صلى وسلم يا الله
على النبي ومن ولاه
*********
طه الزين نصره مولاه
هو والصديق وياه
ايده بالعز والجاه
صلوا عليه ومن ولاه
*********
هو والصديق الاتنين
ابو بكر سخى اليدين
العنكبوت خيم عالزين
خيم على الغار وكساه
********
خيم عليه تمام تمام
على الغار قيام ولحام
ارسله في البر يمام
بجناه رفرف غطاه
********
بجناحه رفرف دقناش
باض القمرى ولا اتهناش
راح يلم حطب وقشاش
كرامه لرسول الله
*******
كرام لابو عيون سود
سيدناالنبي حوضه مورود
كان المختار طردينه يهود
انفتح الغار ودخل جواه
********
انفتح الغار بالتحقيق
اسمع ما جري للصديق
من ثعبان في الوكر عتيق
عدله زمان ساكن جواه
***********
عدله مده هناك وشهور
لما فج عليه النور
طلع يتمنى وقصده يزور
ويشاهد رسول الله
*********
ابوبكر ينظر بعينيه
شاف الثعبان جاي عليه
سد وكره بقدميه
قرصه والسم اذاه
********
لما قرصه اثنا وقال
رب ياعلم بالحال
كان الصديق من اهل جمال
لاتاوه ولا قالش اه
********
سيدنا النبي في لذيذ النوم
اللى طرده الكفره القوم
نزلت دموع الصديق عوم
على خد سدنا النبي صحاه
**********
قاله مالك يا صديق
انت بتبكى حصلك ضيق
قاله ثعبان في الوكر عتيق
قرصنى يا رسول الله
*******
قاله هو قرصك فين
قاله في كعبي يا زين
مد ايده كحيل العين
برهم له وبريقه شفاه
*******
قاله اطلع يا ثعبان
ياللى عبت وعيبك بان
قرصت صديق العدنان
ما تخشى من هيبة الله
*********
قاله اسمع يا مشكور
انا عاد ليا سنين وشهور
لما فج عليا النور
طلعت اشاهد نور الله
*********
لما سد علي وكري
تاه دليلى وحار فكرى
لما قل يا زين صبرى
قرصته يا رسول الله
********
وها انا ما بين ايديكم
افعل ما يوحى اليكم
ان كان قتلى يزين يرضيكم
اقتلنى يا رسول الله
*********
قال ابو بكر وهو مطروح
والدموع من عينه تسوح
انت يا ثعبان روح
افتح وكرك واقعد جواه
********
قال والله مروح واتهنا
الا الزين يضمنى الجنه
وانت يا ابو بكر سامحنا
عالعيب اللى معاك عبناه
*******
قاله سمحتك وارتضيت
ياللى عالهادى صليت
من معجزات طه حكيت
صلوا على رسول الله
المزيد
مَـا رَأَى الْـقَـلْـبُ مِـثْـلَ عَـيْـنَـاكِ بقلم احمد علي سمعول
أنفاس جديدة بقلم ميليا عبدالكربم
عهد الصداقة الأبدي بقلم رحمة صديق عباس