جديد

كتبت :سهيلة سليم

 

الأُوكره رافضه تِخّـرج الاحزان

والذكري تِنهَـش فـ القلوب باِفتِـريٰ

والليل معاند يفُوت كدا ف سلام

الاوضه ضلمه وعيني شايفه طَشاش

الحزن بحر غَويط

والبحر مبيفضاش

تليفوني القديم بيحاكي فـ شُعوري

شاهد عَيان عـ وحدتي وحالي

بلجأله ساعة الخوف ميسمعشي

وأرجع لحيرتي وذُهدي وسؤالي

جرح القلوب غالي

شَالي بقا التِـذْكار

والحلو مبيكملش..!

المَكوه حرقِت قلبي مش شالي

والدمعه طَفِت شوقي وحنيني

الليل بيشهد عـ كل تنهيدي

ليلي كان اجمل من جمال عيدي

بَرّتِب دولابي فـ ظهرلي كام برواز

من حد حبيته ، كان اصل قلبه إزاز

كسّرلي اكتافي

أعلنت اتلافي من صوره مرمية

حبيتُه من قلبي اخرتها “منسية”

هل حبل الوصال هيعُود..؟

والبُـعد فصّل من أنيني جراح

والهـجر صار عادي وأمر مُباح!

كُـل الجراح يمكن فـ يوم هتفوت.