كتبت: زينب إبراهيم” شاعرة الأمل”
سلامي للي عاش كريم
واللى ماكانش لئيم
سلامي للي بيحب بجد
وما يعرفش في يوم البعد
سلامي لكل اللى عرف الحياة
وفكر بس في رضاء ربه
سلامي للي يحب الخير لغيره
ولا يعرف في لحظة يحسده
سلامي لكل اللى عايشن مرتاحين
وفي حياتهم بس مفكرين
ولا يشغلوا بالهم بغيرهم
يفرحوا في كل وقت ليهم
في فرحهم حتى زعلهم زعلنين
وبكل اللى قسم ليهم ربهم راضين
سلامي ليك يا عم الشغال
على بيتك حتى العيال
سلامي ليكِ يا ست يا طيبة
اللى لبيتك حافظة ومطمنة
على تربية عيالك ومستقبلهم
بيراعوا ربنا في كل وقت وشغلهم
مايعرفوش للحرام أي طريق
ولا يسيبوا أي حد في ضيق
سلامي ليك يا عم الجندي
اللى على بلادي وحياتي حامي
سلامي لكل اللى مكتفي بنفسه
وبيفكر إزاي يطور من موهبته
سلامي لكل حد مجتهد في دراسته
ولكل حد بيراعي ربنا في بيته
شايف أنهم مسؤولية من ربه
هيجي اليوم اللى يتحاسب فيه
يا ترى ضيعتهم ولا حافظت عليهم
اهتمت بالأمانة ولا سبتها تضيع معاهم
سلامي لكل حد واخد باله من شغله
وبيكسب ماله بالحلال بعرق جبينه
سلامي ليك يا اللى في أرضك شغال
وأنك تضيعها في أي يوم محال
سلامي لكل حد بيراعي ربنا في حبيبه
شايف سعادته وراحته أهم حاجة
سلامي وتحياتي ليكم يا أهل مصر
الطيبين واللى باقي فيكم الخير
مهما يمر الوقت عليكم والدهر
تكونوا دائمًا سند لأي حد والغريب
عندكم يلاقي الأمان ويحس أنه قريب
مش بيحس بالغربة معاكم مستحيل
أنتم شعب طيب وفي نفس الوقت أصيل.
المزيد
أنفاس جديدة بقلم ميليا عبدالكربم
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري