كتبت: لبنى عادل يوسف
على كل سبب تافه بكيت
لأني في وقت الصعب مشيت
ودمعي في عيني خفيت
وعملت نفسى جامد
وقلبي من الوجع بقى جاحد
ورغم تعبي ووجعي
رغم كل مرة سمعت فيها كسر قلبي
كل مرة سمعت قلبي بيصرخ
كل مرة بقول فيها للناس ارحموني
وبلاش مع غيرى تقارنوني
رغم كل ده فأنا واقف صامد
ولسه مع الدنيا بعاند
وكل مرة ضربة أقوى من اللى قبلها
ومع كل آاااه أو معاناة
كنت أنا وقلبي كل واحد فينا للتاني مواساة
وبعض الناس تقول ده عنده لا مبالاة
وغيرهم يقول ده فاشل
ومفيش بقلبي إحساس
اللى اتفق مع عيني على الإخلاص
القلب يكتم الألم
والعين وقت الجد والصعب
الوقت اللى محتاجة فيه حبة دموع
كانت في الدمع هي تتحكم
ووقت الهزار والضحك
كانوا على الإختلاف متفقين
القلب حر وسعيد
بيحاول يظهر من الأمل وميض
يستمتع بوقت من نوعه فريد
بس العين رأيها اختلف
ودمعها على التحرر اتلهف
وإحساس أنك شخص منبوذ
وفى الحزن دائمًا محبوس
أو كلام الناس أنك شخص ممسوس
وكل أحاسيس السوء المكتومة
ومن غير كلام أو مقدمات
تشوف على خدودى شلالات
وفي عيني تشوف آااهات
وعقلي ولا مرة يحن
ولحظة السعادة يفتكر أسوأ الذكريات
ينفع تقول أنا ليه بعد كل ده فاشل
لأني من الوجع مبقتش قادر
أني حتى عن نفسي أدافع
ده أنا أمَّا كنت أشكر في نفسي
أو أحاول أني ليها أواسي
كانت جملتهم تصم سمعي
أني إنسان نرجسي
الغرور والكبر مالي قلبي وجسمي
تسألني عقلي من كل ده فين
أرد بأنه جواب واحد أو حتى إجابتين
عقلي من كل ده كان فى أجازة
أو ممكن حبة تفكير زيادة
أو تأنيب ضمير لزوم تدمير لحظة سعادة
تكمل تعبي ووجعي يا سادة
المزيد
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق
الشمس مشرقة بقلم عبير عبد المجيد الخبيري