كتبت: زينب إبراهيم ” شاعرة الأمل”
بنهار جوه أحزاني
عاوزه أحس بالأمان
ليه الحياة جايه علي
طب وحب الزمان
اللى كان بالسعادة مالي
قلبي وكل مكان
بتضحك على زعلي
الدنيا دوارة يا مان
بكره تندم وتجيني
قلبي مش بينسي كمان
في نفس الوقت مش بقسى
عرف معاك طعم الأمان
في لحظة سحبته مني
لقيته كتير على قلبي
ولا حبيت الموسيقى
اللى في دمعي ووجعي
بقيت بتفرح بخوفي
بعد ما كنت أنت أماني
ما بصيتش مرة على دموعي
ما شفتش مرة رجفة قلبي
بس دلوقتي خلاص انتهى
أنا قوية بنفسي وبقلبي
اللى باقي فيه هو لي
خفقانه ونبضه عشاني
هاصلح اللى فات بنفسي
مش هاستنى كلمة منك
ولا احس تاني بأمانك
كفاية تمثيل مش لائق عليك
في لحظة حنين وينقلب منك
في ثانية كل الحب خلص
مابقاش في حب ولا اخلاص
كفاية عليك لحد كده
أنا مش حابه حياتي مره
بعد ما كانت دائمًا حلوة
انقلبت مرة واحدة
بقت كلها كمان صعبة
في لحظة وثانية اتهدت
لما حقيقتك انكشفت
وأنا اللى برضو صدقت
وفي عيني السعادة ظهرت
ومافكرتش أنها في الهوا طارت
عشان الحقيقة يا حبيبي بانت
والقصة لحد كده خلصت.
المزيد
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق
الشمس مشرقة بقلم عبير عبد المجيد الخبيري