عيونه السود

كتبت: زينب إبراهيم ” شاعرة الأمل”

 

بعيونه السود دول سحروني

وروحه الحلوه دي شدتني 

وبيه قلبي ياناس علقني 

وبعد كده ليه بس سبني 

أنا كنت بشوف الدنيا حلوة

معاه وبيه قهوتي بقت زيادة

ورجعت لي من تاني الضحكة 

ليه يا حبيبي بعيونك سحرتني

وفي شباك قلبك ده وقعتني

أنا دلوقتي فيك مصدومة 

لطعم النوم بقيت مش عارفه

ليه بتجيلي في الأحلام 

بعد ما حرمتني النوم 

وسبتني تاني للأوجاع

ونزلت من عيوني الدموع 

هو عرف أمتى  هيروح 

لما خد مني أنا الروح 

وملت قلبي وجسمي الجروح

وتقولي إني معاكِ ومش هاروح 

ليه كدبت عليا أبو العيون السود

وبعد قلبي معاه لأبعد الحدود

هو كان أجمل ما في الوجود 

وقال عمره ما هيكون بعيد 

ساب قلبي اللى حبه بجد 

وبكا عيوني اللى عشقته بجد 

هو فيه كده في الدنيا يا قلبي 

ليه حبيته كل الحب ده يا عيوني 

ليه ماشفتيش غيره بس ليه 

هو عمل معايا أنا كده ليه 

ده أنا أكتر واحده حبيته 

وقلبي ونبضه أتعلق بيه

ماشفتش في حياتي غيره 

آه من الحب ووجعه عيونه

وحشني ويا كل حكاياته 

يا زمن أنا إيه ذنبي أتوجع بيه

وانسى كل حكاياتي الصعبه معاه 

خدعني وراح هو بعيد عني

ساب فيا كل ألم الدنيا دي 

وساب جروح صعب تتشفي 

إلا بعيون السود نظرة تاني 

ضحكة بس يا قلبي تسمعها عادي

هو أخد كل حاجه حلوة معاه

وقال أنا مش هابعد بس كدبته

كشفت كل لعبة كانت بتلعبه 

عشان توقع قلبي اللى حبه 

هو عرف يوقعه واخده معاه 

لا عارف أكرهك ولا أدعي عليك 

عشان أنا لسه بستني نظرة عيونك

بعد كل الوجع اللى سابه بحبه 

بعد كل الدموع اللى نزلت بشتاقله

آه يا قلبي اللى وجعني في بعدك 

أنا مش عارفه افكر غير فيك 

حبيتك حب مالهوش حدود

وأنت رميت قلبي لآخر الوجود 

مش عارفه أسامحك ولا أزعلك 

هو أنت معايا في كل لحظة ليه 

حاسه بيك حوليا في كل حته 

سامعه صوتك الدافئ في شتائي

وبشوفك في طيات حروف كتابي 

بنادي عليك في كل إسم وكل كلمة 

أنت حياتي معاك كانت حلوة 

وبقت سنيني اللى جايه كلها مره 

مش عارفه اتكلم مع حد تاني 

ما أنا حياتي اتدمرت عادي 

ليه الحب كله بقا أوجاع 

والعيون حمرا من الدموع 

قلبي ماله الأسى والهلع 

فاكره الحب كله أحلام 

طلع في الآخر كله أوهام 

وأنا تعبت من قلبي اللى مات

مع كل حاجه حلوة راحت 

ياترى هيجي يوم وارتاح 

ولا إيه يا قلبي  ارتاح 

شويه بقا من الأيام 

وروح تاني عالم الأحلام 

 هناك كل حاجه حلوة موجودة 

وكل الألم والأوجاع مختفية