شعر: شاهندا ياسر
قد إيه هي صعبة
لما فجأه تضيع حياتك
لما لحظة تروح حبيبتك
تخسر روحك وبأديك
لما تسيبك وسط حزنك
جوه حالة من الأهات
لما تنزل دمعه منك
وتداريها بالسكات
قد إيه هي صعبه
لما تغيب عن عينيك
لما مره تشوفها صدفه
لبسه دبلة حد غيرك
ماشيه معاه ولا أحلى لحظة
وأنت ثابت وفي مكانك
تبكي بقلبك وفي كل ثانية
تصرخ وبأعلي صوتك
تسأل عينك لو لثانية
ليه وقعت عليها
لما مره شافتها ماشيه
وسط صحابها بكل فرحه
لما وسط كلامها ضحكت
خطفت قلبك من سكات
ليه يا قلبي عشقت طفلة
شوفت فيها أحلى واحدة
روحت وراها وأديِك خسِرت
روحك لما في مره قولت
اطلب أيديها ومن والدها
انول قبوله واكون حبيبها
راحت منك نور عينيك
لما مره في يوم تعبت
لما جالك فجأه مرضك
سابت إيدك قصاد عينيك
لما قالك الدكاتره في العياده
مرضك يابني بجد مزمن
وقتها وقف الزمان
لما لقيتها لمره واحدة
طلبت مني الانفصال
نزلت صدمة بجد جامدة
تطلب مني الانفصال
بعد حبي وكل لحظه
كنت فيها حضن دافي
نزلت دموعي بكل قهره
وفتحت لها المجال
لما وَافِقْت بجد سابت
بعدت عني بجد غابت
كسرت قلبي بكل قوة
لما رفضت تبقى جمبي
وقت حاجتي لاحتواء
روحت وبكل ضعفي دعيت لربي
إنه ينزل بالشفاء
فعلًا ومخابش ظني
سمعت بعدها بساعات
إن ورقي كان فيه غلطة
بدله الدكتور بحاله وسط غفلة
من مريض بغرفة تانية
نزلت دموعي بتجري فرحة
روحت سجدت بكل بهجه
أشكر ربي بجد رحمه
لما غلطة واحدة حصلت
وضحت كل الصفات
وأهي حبيبتي في لحظه بانت
لما سابتني وسط حزني
كسرة قلبي بكل قوة
وقتها فهمت حاجه
إن ربك رب رحمه
كل مصيبه بتكون لحكمة
رحمة من رب العباد
أُوعىٰ بس للحظه تيأس
حكمته بتيجي بميعاد
#شاهندا_ياسر
المزيد
أنفاس جديدة بقلم ميليا عبدالكربم
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري