كتبت:زينب إبراهيم
اللى بينا انتهى
لما وجعت قلبي
وطول الليل عنيا تبكي
وماتت في ثانية روحي
كنا أحلى قصة حب
دلوقتي انكسر القلب
كانوا يضربوا بينا المثل
في الحب والجمال
لما كنا نبقى سوا
كتير يفرحوا لينا
وفي اللى بيحلم يبقى مكنا
في لحظة خلصت حكايتنا
آه من الهوى وحلاوته
آه من وجعه وقساوته
آه من قلبي اللى انكوى
بنار العشق والهوى
آه من ذكريات حلوة
كانت بريئة وسعيدة
في لحظة اتقلبت كدابة
افتكرت الوعود الصادقة
والكلام المعسول كمان
اللى كان بيتقال زمان
دلوقتي الحقيقة بانت
لما أنت قدامي انكشفت
وبعيوني حقيقتك شفت
وفي نفس الوقت اتوجعت
سبتني سنين لوحدي أعاني
وطلعت في النهاية أنت أناني
وبالنسبة ليك كان عادي
تشوفني كده ولا تواسي
الحياة معايا دائمًا قاسية
كنت بشوفها في عنيا حلوة
وفي وجودك بقت حادقة
بعد ما كانت جنينة غانية
بقت أرض بور وقاحلة
لا فيها هوا ولا حتى مياه
شفت الدمع بيروي أرضي
ويزرع فيها ورد جوري
بيسقي قلبي وروحي
وكل شبر من حياتي
اللى ماتت من جفاك
وقسوتك في كلامك
كل حرف من نار وأفعالك
نسيت كل نظرة من عيونك
نسيت كل ليلة ويا حكاياتك
ماليه بعد وجفا مع استخفافك
بقلبي اللى حبك لحد دلوقتي
ومستني أرجع ليك من تاني
لا أنسى اللى قسي في يوم
مايقدرش يستحمل اللوم
حتى بليل خوفه من الأحلام
اللى بتجي ماليانه ألغام.
المزيد
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق
الشمس مشرقة بقلم عبير عبد المجيد الخبيري